Landsmót STÍ í haglabyssugreininni Compak Sporting var haldið á Akureyri um helgina. Í karlaflokki sigraði Ellert Aðalsteinsson úr Skotfélagi Akraness með 189 stig af 200 mögulegum. Í öðru sæti varð Jón Valgeirsson úr Skotfélagi Reykjavíkur einnig með 189 stig og í þriðja sæti hafnaði Gunnar Gunnarsson úr Skotfélagi Reykjavíkur með 184 stig. Í kvennaflokki sigraði Ingibjörg A. Bergþórsdóttir með 171 stig, Snjólaug M. Jónsdóttir úr Skotfélaginu Markviss varð önnur með 165 stig og Dagný H. Hinriksdóttir úr Skotfélagi Reykjavíkur þriðja með 157 stig.