Íslandsmeistaramótið í Staðlaðri skammbyssu fór fram í Egilshöllinni í dag. Adam Ingi Höybye Franksson úr Skotíþróttafélagi Kópavogs sigraði með 476 stig, Bjarni Sigurðsson úr Skotdeild Keflavíkur varð annar með 428 stig og bronsið vann Magni Mortensen úr Skotfélagi Reykjavíkur með 426 stig. Nánar á úrslitasíðunni hérna og eins myndir hérna.

Umsókn félagsins um nýtt starfsleyfi á Álfsnesi liggur enn hjá Heilbrigðiseftirliti Reykjavíkurborgar, HER. Við fengum undanþágu frá Umhverfisstofnun til að geta sinnt bráðnauðsynlegu starfi okkar á Álfsnesi árið 2025, meðan Reykjavíkurborg inni frekari gögn til að uppfylla aukin skilyrði aðallega vegna hljóðvistar á svæðinu.

Í lok ágúst 2025 var unnin mjög vönduð skýrsla af verkfræðistofunni  VERKÍS um umbætur á svæðinu og var vandað mjög við hljóðmælingar við bestu aðstæður. Sérstaklega var ákveðið að mæla hæstu toppa hljóðsins með hraðari skotum til að framkalla sem mestan hávaða. Mælt var á riffilvellinum bæði með og án hljóðdeyfis og á haglavellinum var skotið með tvíhleyptri halgabyssu af palli fjögur þannig að hljóð myndi berast sem mest yfir Kollafjörðinn í áttina að þremur hljóðmælum sem þar hafði verið komið fyrir. Í framhaldi var lagður dúkur inní riffilskýlinu til að draga úr hávaða sem skotfólk verður fyrir. Við opnun svæðisins voru reistar miklar manir utan um svæið sem hefur mikil áhrif til minnkunar á hávaða frá svæðinu. Enda sýndu hljóðmælingarnar að hljóðmengun frá svæðinu er ávallt innan leyfilegra marka.

Við látum hér fylgja slóðir á umræddar skýrslur. Eins eru hér slóðir á skýrslu nefndar sem sveitarfélög höfuðborgarsvæðisins létu vinna um hugsanleg skotsvæði á stór-höfuðborgarsvæðinu. Umsókn félagsins er hér einnig ásamt viðaukum sem við höfum sent HER til styrkingar á umsókn okkar. Við teljum einsýnt að framtíðarstaðsetning skotsvæðisins er á Álfsnesi enda búið að leggja í það verkefni hundruðir milljóna til að gera það sem best úr garði. 

Nú er svo komið að svæðið verður að opna til að þjóna ýmsum bráðnauðsynlegum verkum einsog þjálfun skotíþróttafólks, æfingum tilvonandi hreindýraskyttna, próftöku vegna hreindýraveiða, veklegri þjálfun tilvonandi byssuleyfishafa fyrir lögreglu, alþjóðlegu mótahaldi í júlí en þá verður hér haldið alþjóðlegt kvennamót í haglabyssugreininni Skeet en hún er jafnframt Ólympíugrein, ásamt hefðbundnum æfingum allra skotleyfishafa á suðversturhorninu en félagið hefur verið opið öllum sem þangað koma og vilja æfa sig, án tillits til félagsaðildar. 

Iðkendur skotíþrótta eru orðnir langeygir eftir því að borgaryfirvöld taki nú af skarið og sjái til þess að skotsvæðið opni nú þegar. Félagsmenn í Skotfélagi Reykjavíkur eru nú 1,800 talsins en reikna má með að aðsókn og tengsl skotfólks við sína nánustu sé varlega áætluð 8-10 þúsund manns. SKOTREYN er í sömu stöðu í nágrenni við okkur og til skammar fyrir Reykjavíkurborg að vera ekki búið að taka af skarið og sjá til þess að sjálfboðaliða rekin íþróttafélög þurfi ekki að eyða öllum sínum tíma í að berja á hinu opinbera í stað þess að vera að efla íþróttastarf í landinu. Við hvetjum embættismenn og kjörna fulltrúa að einhenda sér í þetta verkefni og klára það fyrir hádegi.

HER Mótvægisaðgerðir sent inn 20.apríl 2026

HER Umsókn um starfsleyfi 2024

HER Greinargerð með umsókn

HER Vatnshlotaskýrsla

Tillögur starfshóps til borgarráðs 2023

3 - Skýrsla nefndar um skotsvæði

4 - Mælingar rifflhús

5 - Mælingar haglavelli

Aðalfundur félagsins verður haldinn í Egilshöllinni í Grafarvogi þriðjudaginn 19.maí og hefst hann kl. 18:00. Á dagskrá eru venjuleg aðalfundarsörf.

Íslandsmótið í keppni með Loftrifflum fór fram í Egilshöllinni í dag. 

Í karlaflokki sigraði Valur Richter úr SÍ með 226,5 stig(570,6), Sigurbjörn J. Gunnarsson úr SR varð annar með 148,1 stig(555,0) og Leifur Bremnes úr SÍ þriðji með 103,9 stig(569,9).

Í kvennaflokki sigraði íris Eva Einarsdóttir úr SR með 202,8 stig(585,7), Jórunn Harðardóttir úr SR varð önnur með 189,9 stig(599,3) og í þriðja sæti varð Aðalheiður Lára Guðmundsdóttir úr SSS.

Íslandsmeistari í stúlknaflokki varð Sigurlína W. Magnúsdóttir úr SR og í flokki drengja varð Úlfar Sigurbjarnarson úr SR íslandsmeistari á nýju Íslandsmeti í drengjaflokki, 224,8 stig. Þór Þórhallsson úr SFK er Íslandsmeistari í flokki fatlaðra.

A-lið Skotfélags Reykjavíkur varð svo Íslandsmeistari í flokki liða.

Myndir frá mótinu eru hérna.

Íslandsmótið í loftskammbyssu fór fram í Egilshöllinni í dag. Í karlaflokki sigraði Adam Ingi Höyebye úr SFK með 225,9 stig (522), Bjarki Sigfússon úr SFK varð annar með 217,0 stig(544) og Bjarni Sigurðsson úr SK varð þriðji með 183,6 stig(504). Í kvennaflokki sigraði Aðalheiður Lára Guðmundsdóttir úr SSS með 219,8 stig(499), Maria Lagou úr SFK hlaut silfrið með 213,6 stig(508) og Tatjana Jastsuk úr SFK varð í þriðja sæti með 193,3 stig(495). Í sviga er skorið úr undankeppninni en 8 efstu úr karla og kvennaflokki komust í úrslitakeppnina. Úlfar Sigurbjarnarson úr SR varð Íslandsmeistari drengja og Elín Kristín Ellertsdóttir úr SKS varð Íslandsmeistari stúlkna. Elís Hugi Dagsson úr SFK varð Íslandsmeistari fatlaðra. Lið Skotfélags Reykjavíkur varð Íslandsmeistari í liðakeppninni með 1,575 stig, a-lið Skotíþróttafélags Kópavogs hlaut silfrið með 1,574 stig og b-sveit Skotíþróttafélags Kópavogs í þriðja sæti með 1,503 stig. Nánar á úrslitasíðunni

Myndir frá mótinu eru hérna.