Lokað á Álfsnesi í dag vegna veðurs og færðar.

Ásgeir Sigurgeirsson náði frábærum árangri á EM í Danmörku og hafnaði að lokum í 8.sæti í loftskammbyssu. Þetta er hans besti árangur á EM til þessa. Evrópumeistari varð Leonid Ekimov frá Rússlandi.

Ásgeir Sigurgeirsson var rétt í þessu að tryggja sér sæti í úrslitunum í loftskammbyssunni á Evrópumeistaramótinu í Danmörku. Hann varð í 4.sæti í undankeppninni, með 579 stig en átta efstu fara í úrslitin. Þar er keppt með útsláttarfyrirkomulagi en skorið úr undankeppninni fylgir ekki með. Úrslitin hefjast kl.11:15 að íslenskum tíma og verður sýnt frá keppninni á heimasíðu keppninnar hérna.

Evrópumeistaramótið í loftbyssugreinunum stendur nú yfir í Óðinsvéum í Danmörku. Við eigum þar einn keppanda, Ásgeir Sigurgeirsson. Hann keppir í loftskammbyssu á laugardagsmorgun og hefst keppnin kl.09:00 að staðartíma. Hægt verður að fylgjast með skorinu í beinni hérna.

Guðmundur Helgi Christensen og Jórunn Harðardóttir sigruðu í enska rifflinum í gær. Bæði settu þau ný Íslandsmet þar sem nú var keppt í fyrsta skipti eftir nýju ISSF reglunum.