Ásgeir Sigurgeirsson úr SR sigraði á Landsmóti STÍ í Frjálsri skammbyssu í morgun á nýju Íslandsmeti, 543 stig. Annar varð Guðmundur Kr. Gíslason einnig úr SR með 476 stig og þriðji varð svo Thomas Viderö úr SFK með 469 stig. Jórunn Harðardóttir úr SR varð fjórða með 459 stig og Jón Árni Þórisson úr SR með 426 stig. Nánari úrslit og myndir koma hér síðar í dag.

Keppnisæfing vegna Landsmóts STÍ í Frjálsri skammbyssu, sem verður haldið í Egilshöllinni á morgun, er í kvöld kl.19-20:30

Mótið hefst kl.10:00 og fellur almenn æfing í húsinu niður á morgun vegna mótsins.

Við ætlum að gera tilraun til að hafa opið á skotsvæðinu á Álfsnesi eingöngu fyrir félagsmenn með greidd árgjöld, greidd ársæfingagjöld, greidd klippikort og haglabúnt þegar við á.

Nefndarmenn okkar munu taka þetta að sér og stýra, og eru fyrstu dagarnir þegar komnir á dagskrá.

Opið verður á morgun föstudaginn 15.febrúar á bæði hagla-og riffilsvæðinu frá kl. 13 til 18 og verður Gunnar Sigurðsson æfingastjóri.

Miðvikudaginn 20.febrúar verður riffilbaninn opinn frá kl.13 til 16 og er Hjálmar Ævarsson æfingastjóri. Svæðið opnar þann dag fyrir almennar æfingar kl.16.

Við reynum að bæta þessum æfingadögum inná opnunartímaplanið jafnóðum og þeir skýrast.

Reykjavíkurmótið í loftbyssugreinunum 2013 var haldið í Egilshöllinni í dag. Í loftriffli karla varð Sigfús Tryggvi Blumenstein Reykjavíkurmeistari, Jórunn Harðardóttir í loftriffli kvenna, Oddur E. Arnbergsson í loftskammbyssu unglinga, Kristína Sigurðardóttir í loftskammbyssu kvenna og Ásgeir Sigurgeirsson í loftskammbyssu karla.

Reykjavíkurmótið í loftskammbyssu og loftriffli fer fram í Egilshöllinni í dag. Mótið hefst kl.16 en keppendur geta mætt frá kl.16 og hafið keppni alveg til kl.19:30.