Skotfélag Reykjavíkur

Góð staða fyrir úrslit í loftskammbyssunni

Miðvikudagur, 01. júní 2011 14:03
Eftir undanrásir í loftskammbyssu karla er Ásgeir Sigurgeirsson í 1.sæti með 577 stig, Mirko Bugli frá San marinó með 566 stig og Tómas Viderö er í 3ja sæti með 556 stig. Næstu menn eru svo á 553 og 552 stigum. Úrslitin hefjast kl.14:30.

Jórunn með SILFUR !!

Miðvikudagur, 01. júní 2011 11:30
Jórunn var að tryggja sér silfurverðlaun í loftskammbyssu kvenna á Smáþjóðaleikunum í Liechtenstein. Skorið fyrir final var 568 stig.

Keppni í loftskammbyssu er nú hafin í kvennaflokki

Miðvikudagur, 01. júní 2011 08:34
Keppni í loftskammbyssu kvenna stendur nú yfir á Smáþjóðaleikunum. Jórunn keppir þar fyrir okkar hönd.

Jórunn hefur lokið keppni í loftriffli

Þriðjudagur, 31. maí 2011 16:34
Jórunn Harðardóttir keppti í loftriffli í dag á Smáþjóðaleikunum. Hún var langt frá sínu besta og hafnaði í 10. sæti. Skorið var 89-83-93-88 eða alls 353 stig.

Aðalfundur félagsins er í dag - kl 19:00 !

Þriðjudagur, 31. maí 2011 11:28

Æfingasvæði félagsins eru LOKUÐ í dag vegna Aðalfundar.

Sjá auglýsingu hér á síðunni 20. maí s.l. "Aðalfundur félagsins verður haldinn í Íþróttamiðstöðinni í Laugardal á 3.hæð í aðalbyggingu ÍSÍ þriðjudaginn 31.maí n.k. og hefst hann kl.19"

Jórunn keppir í loftriffli

Þriðjudagur, 31. maí 2011 11:11
Keppni í Loftriffli kvenna á Smáþjóðaleikunum hefst kl.11:45 á eftir. Úrslitin hefjast svo kl. 14:15 að okkar tíma. Jórunn Harðardóttir er keppandi okkar þar.