Skotfélag Reykjavíkur

Ásgeir Sigurgeirsson á Ólympíuleikana í Tókýó

Þriðjudagur, 22. júní 2021 21:56

Ásgeir Sigurgeirsson, skotíþróttamaður úr Skotfélagi Reykjavíkur, hefur unnið sér inn kvótapláss á Ólympíuleikana í Tókýó í loftskammbyssukeppni karla.

Alþjóðaskotíþróttasambandið hefur lokið úthlutun á kvótasætum og hlaut Ísland kvótapláss í loftskammbyssukeppni karla. Ásgeir hefur áður keppt á leikunum en hann keppti á Ólympíuleikunum í London 2012, þá bæði í frjálsri skammbyssu og loftskammbyssu. Keppt verður í greininni fyrsta keppnisdag leikanna, laugardaginn 24. júlí og verður Ásgeir því, að öllum líkindum, sá fyrsti úr íslenska hópnum til að keppa Ólympíuleikunum í Tókýó.

Anton Sveinn Mckee hefur náð Ólympíulágmarki í 200m bringusundi og auk hans mun að lágmarki ein íslensk kona keppa í sundi. Í frjálsíþróttum mun Ísland eiga að lágmarki einn keppanda, en væntanlega mun fleira frjálsíþróttafólk fá keppnisrétt á leikana.

Í mörgum íþróttagreinum er tækifæri fram að 29. júní til að vinna sér þátttökurétt á Ólympíuleikunum, auk þess sem að alþjóðasérsambönd eru að endurúthluta kvótasætum samkvæmt stöðu á heimslistum. Alþjóðasérsamböndin gefa út endanlega lista í byrjun júlí. Endanlegur fjöldi keppenda Íslands á Ólympíuleikunum í Tókýó og jafnframt nafnalisti keppenda verður því ekki tilbúinn fyrr en í fyrstu viku júlí mánaðar.

Opið á morgun 16-19

Þriðjudagur, 22. júní 2021 19:24
Opið á Álfsnesi á morgun miðvikudag 16-19

OPIÐ á Álfsnesi í dag

Fimmtudagur, 17. júní 2021 12:57
Við fögnum þjóðhátiðardeginum með því að hafa opið á Álfsnesinu í dag til kl.19:00 !!

Landsmót í Skeet um helgina

Sunnudagur, 13. júní 2021 18:12

Landsmót STÍ í Skeet fór fram á Álfsnesi um helgina. Í karlaflokki sigraði Pétur T. Gunnarsson úr SR (106/50), annar varð Hákon Þ. Svavarsson úr SFS (115/48) og þriðji Aðalsteinn Svavarsson úr SÍH (91/37). Í kvennafokki sigraði María R. Arnfinnsdóttir úr SÍH (94/35), önnur varð Dagný H. Hinriksdóttir úr SR (81/31) og Helga Jóhannsdóttir úr SÍH varð þriðja (88/26). Í unglingaflokki hlaut Daníel L. Heiðarsson úr SA (98) gullið. Sveit SÍH sigraði í liðakeppninni en sveit SR hlaut silfrið. Liðin voru jöfn að stigum, 270 en í síðustu umferð munaði 1 stigi sem dugði SÍH til sigurs. Nánari úrslit má svo finna á úrslitasíðu STÍÂ

Staðan eftir fyrri daginn á Landsmótinu í Skeet

Laugardagur, 12. júní 2021 17:07

Staðan eftir fyrri daginn er þannig að Jakob Þ. Leifsson úr SFS er efstur með 68 stig, G.Bragi Magnússon úr SA og Hákon Þ.Svavarsson úr SFS eru jafnir með 67 stig. Í kvennaflokki er María R.Arnfinnsdóttir úr SÍH efst með 59 stig, Helga Jóhannsdóttir úr SÍH er önnur með 53 stig og Dagný H. Hinriksdóttir úr SR 3ja með 50 stig. Keppni heldur áfram í fyrramálið og hefst kl.10:00. Skotnir verða þá 2 hringir og svo eru finalar í bæði karla og kvennaflokki. Þeir gætu hafist um kl.14:30

Riðlaskipting Landsmótsins á Álfsnesi um helgina

Þriðjudagur, 08. júní 2021 09:07

Hérna er riðlaskipting Landsmóts STÍ í Skeet sem haldið verður á Álfsnesi um helgina. Lokað verður á haglavöllunum á laugardaginn en opið á riffilsvæðinu.