Skotfélag Reykjavíkur

Nokkur lykilatriði í starfsleyfinu á Álfsnesi

Fimmtudagur, 18. mars 2021 09:13

Hér eru nokkur lykilatriði sem íþróttamenn okkar verða að fylgja samkvæmt nýja starfsleyfinu :

Haglaskot með blýhöglum eru bönnuð
Æfingar eru leyfðar á mánudögum til fimmtudaga kl. 10-19
Æfingar eru leyfðar á laugardögum kl. 10-16
Æfingar eru ekki leyfðar á föstudögum og sunnudögum
Æfingar eru bannaðar á: Aðfangadag eftir kl. 12, Jóladag, Nýársdag, Föstudaginn langa, Páskadag og annan í Páskum.
Einungis er leyft að halda fjögur mót á ári en þá má hafa opið á föstudögum, laugardögum og sunnudögum kl. 10-19 en við þurfum að tilkynna þau með 14 daga fyrirvara til Heilbrigðiseftirlits.

Það er öldungis óvíst hvernig tekst að halda starfseminni gangandi undir þessum nýju kvöðum og mun það skýrast á næstu vikum.

Nú þegar eru tveim helgum ráðstafað undir mótahald samkvæmt mótaskrá Skotíþróttasambands Íslands, Landsmót í haglabyssugreininni SKEET dagana 11. til 13. Júní og 3. - 5. september er Íslandsmótið í riffilgreininni Bench Rest og Opna Reykjavíkurmeistaramótið í SKEET (SR OPEN)

NÝTT STARFSLEYFI TIL 2ja ÁRA Á ÁLFSNESI

Þriðjudagur, 16. mars 2021 16:03
Heilbrigðiseftirlit Reykjavíkurborgar var að birta starfsleyfi félagsins og röksemdir þeirra vegna starfseminnar á Álfsnesi. Hægt er að nálgast eintak á vef Reykjavíkurborgar hérna.Â

Þórir og Jórunn sigruðu í dag

Sunnudagur, 14. mars 2021 17:34

Á Landsmóti STÍ í 50m Þrístöðu, sem haldið var í Egilshöllinni í dag, sigraði Þórir Kristinsson úr SR með 1,018 stig, annar varð Valur Richter úr SÍ með 969 stig og þriðji Ingvar Bremnes úr SÍ með 911 stig. Í kvennaflokki sigraði Jórunn Harðardóttir úr SR með 1,068 stig, önnur varð Bára Einarsdóttir úr SFK með 1,024 stig og þriðja Guðrún Hafberg úr SFK með 878 stig. Nánari úrslit hérna. Finna má myndir frá mótinu á Facebook síðu félagsins

Jón Þór og Bára sigruðu í dag

Laugardagur, 13. mars 2021 20:09

Á Landsmóti STÍ í 50m liggjandi riffli, sem haldið var í Egilshöllinni í dag, sigraði Jón Þór Sigurðsson úr SFK í karlaflokki með 622,4 stig. Í öðru sæti varð Guðmundur Valdimarsson úr SÍ með 618,3 stig og þriðji Valur Richter einnig úr SÍ með 610,9 stíg. Í liðakeppninni sigrði sveitÂÂÂ SÍ með 1833,0 stig og sveit SFK varð önnur með 1775,6 stig. Í kvennaflokki sigraði Bára Einarsdóttir úr SFK með 610,6 stig, önnur varð Jórunn Harðardóttir úr SR með 607,7 stig og í þriðja sæti hafnaði Guðrún Hafberg úr SFK með 576,2 stig. Nánari úrslit eru hérna.Â Nokkrar myndir frá mótinu eru á Facebook síðu félagsins.