Skotfélag Reykjavíkur

Miðvikudagur, 21. nóvember 2012 19:28

Búið er að samþykkja nýju reglurnar hjá ISSF og verða þær aðgengilegar næstu daga. Í skeet breytist röðin á hringnum þannig að á palli 4 eru bara skotnar stöku dúfurnar en eftir pall 7 er farið á pall 4 og þar skotin bæði dobblin og svo farið á pall 8 og klárað. Í final fara 6 efstu úr aðalkeppninni og byrja á núlli. Skotin eru tvö dobbl á palli 3,4,5 og 4 eða alls 16 dúfur. Sæti 5 og 6 detta þá út og sæti 3 og 4 keppa um bronsið og síðan sæti 1 og 2 um gullið. Einnig er ekki leyfilegt að lyfta byssu fyrir hring nema á palli 1 með leyfi dómara !

Nýju reglurnar í loftbyssunni eru helst þannig að skottíminn er styttur í 1 klst og 15 mínútur í karlaflokki og 50 mínútur í kvennaflokki. Við þennan tíma bætast 15 mínútur ef ekki er skotið á elektrónísk skotmörk. Í final fara 8 efstu eftir undnakeppnina og byrja þar á núlli ! Næst eru skotnar tvær 3 skota hrinur og er hver hrina 150 sekúndur. Því næst eru skotnar tveggja skot hrinur, hver þeirra í 50 sekúndur. Áttunda sæti er ákveðið eftir 8 skot og fellur þar út. Því næst eru skotin tvö skot og sjöunda sæti detur þar út og svo koll af kolli þar til brons silfur og gull sætið liggur fyrir!

Jórunn jafnaði Íslandsmetið í loftriffli

Laugardagur, 17. nóvember 2012 15:02

Jórunn Harðardóttir úr Skotfélagi Reykjavíkur jafnaði í dag Íslandsmetið í loftriffli, 383 stig en Íris Eva Einarsdóttir SR varð önnur með 359 stig . Jórunn sigraði einnig í loftskammbyssu með 364 stig, önnur varð Inga Birna Erlingsdóttir SR með 333 stig og Laufey Gísladóttir SKA þriðja með 305 stig. Í loftskammbyssu karla sigraði Ásgeir Sigurgeirsson 579 stig, annar varð Thomas Viderö SFK 570 stig og Stefán Sigurðsson SFK þriðji 537 stig. í liðakeppni karla sigraði sveit Skotfélags Reykjavíkur með þá Ásgeir, Guðmund Kr.Gíslason og Jón Arna Þórisson innanborðs með 1622 stig en sveit Skotfélags Kópavogs varð í öðru sæti með 1612 stig. Í loftriffli karla sigraði Guðmundur Helgi Christensen úr Skotfélagi Reykjavíkur með 571 stig og í öðru sæti varð Sigfús Tryggvi Blumenstein einnig úr SR með 528 stig. Nokkrar myndir frá mótinu eru hérna.

HERRIFFLAMÓT 2013

Föstudagur, 16. nóvember 2012 13:27

Vegna mikils áhuga manna á gömlum herrifflum, óskar félagið eftir félagsmönnum sem eru tilbúnir að taka að sér að halda HERRIFFLAMÓT á næsta ári. Stefnt er að því að þeir verði að vera framleiddir fyrir árið 1960 til að verða löglegir í keppnina. Þeir sem hafa áhuga eru beðnir að setja sig í samband við framkvæmdastjóra og eins í tölvupósti á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .

Umsagnir vegna vopnalagafrumvarpsins á netinu

Fimmtudagur, 15. nóvember 2012 14:16
Umsagnir um vopnalagafrumvarpsins eru komnar á vef Alþingis hérna. Þar er hægt að lesa þær umsagnir sem hafa borist Allsherjarnefnd vegna málsins.

Riðlaskipting Landsmótsins á laugardaginn er komin

Fimmtudagur, 15. nóvember 2012 13:18

Riðlaskipting landsmótsins á laugardaginn er komin hérna.

Skráningu lýkur í kvöld

Þriðjudagur, 13. nóvember 2012 18:04
Skráningu keppenda á landsmótið í loftbyssugreinunum á laugardaginn lýkur í kvöld. Mótið verður í Egilshöllinni og hefst kl.10:00