Skotfélag Reykjavíkur

Íslandsmót í Bench Rest riffli um næstu helgi

Mánudagur, 17. september 2012 09:41

Um næstu helgi fer fram Íslandsmót í Bench Rest riffli á 100 og 200 metra færum á velli okkar í Álfsnesi. Keppt er í HV-flokki í GRÚPPUM. Minnum keppnismenn okkar á að tilkynna til skrifstofunnar ef þeir ætla að keppa, í síðasta lagi í dag, 18. sept á skrifstofutíma. Við þurfum að tilkynna til STÍ um okkar keppnismenn í síðasta lagi í kvöld.

Mótið hefst stundvíslega kl 12:00, laugardag 22. sept og sunnudag 23. sept - mæting báða dagana er kl 10:30 - reikna má með að mótið standi til kl 16:00 - mótagjald er 2500 kr - riffilsvæðið er lokað á meðan mótið stendur yfir.

Breytingar á keppnisreglum ISSF um áramótin

Miðvikudagur, 12. september 2012 17:47
Við vorum að fá tilkynningu frá STÍ um fyrirhugaðar breyutingar á keppnisreglum ISSF í hinum ýmsu greinum. Fyrirhugað er t.d. að breyta finölunum verulega þannig að skor úr undankeppninni nýtist mönnum ekki þegar komið er í úrslitin. Lesa má nánar um þetta hérna.

100 Silúettu BR mót í gær

Miðvikudagur, 12. september 2012 10:06

Í gærkvöldi var haldið Silúettu BR mót á 100 metra færi með cal.22 rifflum. Siguvegari varð Oddur Arnbergsson með 17 stig, annar varð Pétur F.Sævarsson með 16 stig og í þriðja sæti varð Arnbergur Þorvaldsson með 15 stig. Fast á hæla hans kom svo Ármann Guðmundsson með 13 stig.

Hópar í heimsókn

Þriðjudagur, 11. september 2012 11:19

Þeim fer fjölgandi starfsmannahópunum sem koma til okkar í kynningarferðir og fá að spreyta sig í skotfimi. Starfsmannafélög geta haft samband við skrifstofuna og athugað hvort lausir tímar séu framundan.

BR50 mót SR

Föstudagur, 07. september 2012 14:47

BR50-mót SR var haldið 4.september. Sigfús Tryggvi Blumenstein sigraði með 237 stig, Arnbergur Þorvaldsson varð annar með 220 stig og Pétur Fannar Sævarsson varð þriðji með 217 stig.

Silúettumót 100 metra færi

Föstudagur, 07. september 2012 11:31
Haldið verður innanfélags silúettumót á þriðjudaginn 11.sept. Skotið verður með venjulegum silúetturifflum cal.22lr á stál-silúettur á 100 metra færi. Skráning á staðnum.