Skotfélag Reykjavíkur

Laugardagur, 25. ágúst 2012 16:48

Eftir fyrri daginn á Reykjavík Open er Roeland Schultz frá Danmörku efstur með 71 stig, Krister Kärki frá Finnlandi er annar með 68 stig og í þriðja sæti er Hákon Þ.Svavarsson með 67 stig, fjórði er Per Swenson frá Svíþjóð með 67 stig, Tommi Takanen fá Finnlandi er fimmti með 65 stig og Örn Valdimarsson er sjötti með 64 stig ásamt Sigurði U.Haukssyni og Sigurði J.Sigurðssyni. Á morgun er skipt upp í A og B úrslit þannig að 16 efstu eftir fyrri daginn fara í A og hinir í B. Í B-úrlsitum er nú Ómar Ó. Jónsson efstur með 58 stig, Jóhannes P.Héðinsson er annar með 57 stig og Brynjar Þ. Guðmundsson þriðji einnig með 57 stig. Á morgun verða finalarnir(úrslitin) fjórir en lokafinal er í Bikarkeppni kvenna og hefst hann um 16:00. Fyrsti final er kl.14:00 í Bikarkeppni karla, kl.14:40 í B-úrslitum og kl. 15:20 í A-úrslitum. Myndir (Photos) frá mótinu eru að koma hér.

Finnarnir mættir

Fimmtudagur, 23. ágúst 2012 20:50
Finnsku keppendurnir Tommy Takanen og Krister Kärki voru mættir á æfingu í Álfsnesi í kvöld. Þeir keppa á Reykjavík Open um helgina.

Skráningu á SR Open í skeet lýkur í kvöld

Þriðjudagur, 21. ágúst 2012 22:27
Skráningu á mótið um helgina lýkur á miðnætti. Það eru 30 keppendur búnir að skrá sig og þar ef eru 1 Svíi, 2 Danir og 2 Finnar. En geta einhverjir bæst við en hafa verður hraðar hendur við að senda inn skráningu.

Úrslit úr riffilmótinu í gær

Mánudagur, 20. ágúst 2012 15:45

Úrslit úr riffilmótinu sem haldið var á Álfsnesinu í gær eru nú orðin aðgengileg hérna. Í þyngri flokknum sigraði Egill Steingrímsson með 147 stig, annar varð Kjartan friðriksson með 142 og 9 x-tíur en Hjörleifur Hilmarsson varð þriðji, einnig með 142 stig en 5 x-tíur. Í léttari flokknum sigraði Stefán E. Jónsson með 142 stig, annar varð unglingurinn okkar hann Oddur Arnbergsson með 128 stig og þriðji varð svo Ármann Guðmundsson með 126 stig.

Pétur Fannar sigraði í Silúettunni í gær

Fimmtudagur, 16. ágúst 2012 15:17

Pétur Fannar Sævarsson sigraði á Silúettumótinu þann 15.ágúst með 19 stig, annar varð Ármann Guðmundsson með 16 stig og þriðji varð svo Arnbergur Þorvaldsson með 16 stig.

Nánar um úrslit hérna.