Skotfélag Reykjavíkur

Snjólaug M.Jónsdóttir bikarmeistari STÍ 2017

Laugardagur, 19. ágúst 2017 21:27

Snjólaug M. Jónsdóttir úr skotfélaginu Markviss á Blönduósi varð í dag Bikarmeistari STÍ í haglabyssugeininni Skeet. Hún háði harða keppni við Dagnýju H.Hinriksdóttur úr Skotfélagi Reykjavíkur í úrslitunum og hafði að lokum nauman sigur.

Sveit Skotfélags Reykjavíkur bætti eigið Íslandsmet um heil 10 stig en sveitina skipa þær Dagný H. Hinriksdóttir, Þórey I. Helgadóttir og Eva Ósk Skaftadóttir.

Keppni í karlaflokki heldur áfram á morgun og eins keppni í A og B flokkum. Reikna má með að úrslit hefjist uppúr kl. 15:00 en úrslit verða haldin í Bikarmótinu, A, og B flokki. Eftir fyrri daginn þá leiðir Hákon Þ. Svavarsson í A-flokki og Dagný H. Hinriksdóttir í B-flokki. Snjólaug M.Jónsdóttir afhenti mótsstjóranum Erni Valdimarssyni skjöld til vegna 150 ára afmælis Skotfélags Reykjavíkur í ár. Við þökkum Markviss á Blönduósi kærlega fyrir á þessum tímamótum.

Reykjavik Open um helgina á Álfsnesi

Föstudagur, 18. ágúst 2017 14:34

Um helgina fer fram Reykjavík Open og Bikarmót STÍ í skeet á Álfsnesi.

Skotið verður á einum velli, riðill 1 byrjar kl.10:00, riðill 2 byrjar 5 mínútum eftir að riðill eitt kemur í hús, finall kvenna hefst 30 mín. eftir að seinasti hringur klárast á laugardegi.

Röð riðla og keppenda snýst við á sunnudegi, 1 dómari og 2 línuverðir eru í dómgæslu hverju sinni.

Finalar hefjast 30 mínútum eftir seinasta hring á sunnudegi, fyrst er skotinn finall í Bikarmóti síðan í B-flokki og að lokum í A-flokki.

Verðlaunaafhending verður á sunnudeginum og munu Niccolo Campriani margfladur Ólympíumeistari og Petra Zublasing heimsmeistari veita verðlaunin að loknum úrslitum. Reikna má með að það verði um kl.15:00

Ólympíumeistari með fyrirlestur

Miðvikudagur, 16. ágúst 2017 23:23

Tímasetning: Mánudagur 21. ágúst kl. 12:00-13:30 Staðsetning: Háskólinn í Reykjavík stofa M209 Fyrirlestur sem enginn skotmaður né aðrir íþróttamenn ættu að missa af! Niccolo Campriani og Petra Zublasing, riffilskotmenn á heimsmælikvarða, halda fyrirlestur um afreksþjálfun og markmiðasetningu. Niccolo Campriani er tvöfaldur gullverðlaunahafi frá Ólympíuleikunum í Río, auk þess að hafa nælt sér í gull- og silfurverðlaun í London fjórum árum áður. Petra Zublasing hefur eins og Campriani, unnið til fjölmargra heimsbikar- og Evróputitla, sett bæði heimsmet og ólympíumet og verið kosin skotíþróttaeinstaklingur ársins af alþjóðaskotíþróttasambandinu. Þau hafa æft skotfimi frá unga aldri og hafa frá mörgu að segja er tengist afreksíþróttaþjálfun og markmiðasetningu. Skotfélag Reykjavíkur, Háskólinn í Reykjavík og Íþrótta- og Ólympíusamband Íslands standa saman að viðburðinum sem er hluti af afmælisdagskrá Skotfélagsins sem heldur í ár upp á 150 ára afmæli félagsins sem elsta íþróttafélag landsins.

Aðalfundur var haldinn í kvöld

Mánudagur, 31. júlí 2017 22:58
Aðalfundur Skotfélags Reykjavíkur var haldinn í kvöld. Ný stjórn félagsins er skipuð fr.v. Kjartani Friðrikssyni ritara, Jórunni Harðardóttur formanni, Arnbergi Þorvaldssyni varaformanni, Kjartani Erni Kjartanssyni varamanni, Erni Valdimarssyni meðstjórnanda og Guðmundi Kr. Gíslasyni gjaldkera. Á myndina vantar Sigfús Tryggva Blumenstein varamann.

Kvennasveitin með nýtt Íslandsmet um helgina

Mánudagur, 24. júlí 2017 10:09

Kvennasveit okkar í Skeet-haglabyssu setti nýtt Íslandsmet, 114 stig,Â á landsmóti STÍ sem haldið var í Þorlákshöfn um helgina.

Í kvennaflokki sigraði Helga Jóhannsdóttir úr SÍH með 58/75 stig og 31/60 stig í úrslitum
Dagný H.Hinriksdóttir úr SR varð önnur á 46/75 og 27/60 og Eva Ó. Skaftadóttir úr SR varð 3ja á 26/75 og 20/60.
Þórey Helgadóttir úr SR varð 4ða en hún skaut sig upp um flokk .

Í karlaflokki sigraði Hákon Þ. Svavarsson úr SFS á 113/125 og 54/60 í úrslitum sem er nýtt Íslandsmet í úrslitum.
Stefán G. Örlygsson úr SKA varð annar á 115/125 og 50/60
og þriðji varð Jakob Þ Leifsson úr SÍH á 99/125 og 40/50 .

Einnig voru Stefán G. Örlygsson og Helga Jóhannsdóttir krýnd Suðurlandsmeistarar .

Evrópumeistaramótið í Baku í Azerbaijan að byrja

Föstudagur, 21. júlí 2017 07:26
Evrópumeistaramótið í Bakú í Azerbaijan er að hefjast í dag. Ásgeir Sigurgeirsson keppir í frjálsri skammbyssu (FP) á laugardaginn 22.júlí, Jón Þór Sigurðsson í liggjandi riffli (50FR) á mánudaginn og Hákon Þ.Svavarsson í Skeet haglabyssu (SK125) 30., 31.júlí og 1.ágúst. Nánar um mótið hérna.