Við fögnum þjóðhátiðardeginum með því að hafa opið á Álfsnesinu í dag til kl.19:00 !!

Landsmót STÍ í Skeet fór fram á Álfsnesi um helgina. Í karlaflokki sigraði Pétur T. Gunnarsson úr SR (106/50), annar varð Hákon Þ. Svavarsson úr SFS (115/48) og þriðji Aðalsteinn Svavarsson úr SÍH (91/37). Í kvennafokki sigraði María R. Arnfinnsdóttir úr SÍH (94/35), önnur varð Dagný H. Hinriksdóttir úr SR (81/31) og Helga Jóhannsdóttir úr SÍH varð þriðja (88/26). Í unglingaflokki hlaut Daníel L. Heiðarsson úr SA (98) gullið. Sveit SÍH sigraði í liðakeppninni en sveit SR hlaut silfrið. Liðin voru jöfn að stigum, 270 en í síðustu umferð munaði 1 stigi sem dugði SÍH til sigurs. Nánari úrslit má svo finna á úrslitasíðu STÍ 

Staðan eftir fyrri daginn er þannig að Jakob Þ. Leifsson úr SFS er efstur með 68 stig, G.Bragi Magnússon úr SA og Hákon Þ.Svavarsson úr SFS eru jafnir með 67 stig. Í kvennaflokki er María R.Arnfinnsdóttir úr SÍH efst með 59 stig, Helga Jóhannsdóttir úr SÍH er önnur með 53 stig og Dagný H. Hinriksdóttir úr SR 3ja með 50 stig. Keppni heldur áfram í fyrramálið og hefst kl.10:00. Skotnir verða þá 2 hringir og svo eru finalar í bæði karla og kvennaflokki. Þeir gætu hafist um kl.14:30

Hérna er riðlaskipting Landsmóts STÍ í Skeet sem haldið verður á Álfsnesi um helgina. Lokað verður á haglavöllunum á laugardaginn en opið á riffilsvæðinu.

Við viljum minna keppendur á að ALGJÖRT BLÝBANN er á svæðinu og því eingöngu leyfð notkun stálskota..

Keppnisæfingar verða á föstudaginn kl.12-19

Vinur okkar, Tjaldurinn, liggur nú á hreiðri sínu í mölinni á velli 2. Lokað verður á honum næstu 2-3 vikurnar eða þar til ungarnir hafa flogið úr hreiðrinu.Landsmót STÍ sem haldið verður um næstu helgi hefur verið flutt á völl 3. Tjaldurinn liggur sem fastast þó verið sé að skjóta á velli 1 og 3, finnur greinilega fyrir örygginu að vera meðal okkar og hvetjum við alla til að forðast að trufla varpið. Fleiri hreiður eru á skotsvæðinu en ekki á eins áberandi stað og þetta.