Keflavík Open í Loftgreinum var haldið í dag í loftaðstöðu Skotdeildar Keflavíkur á Sunnubrautinni.

Keppt var í opnum flokki og í Loftskammbyssu sigraði Jórunn Harðardóttir frá Skotfélagi Reykjavíkur með 550 stig, í örðu sæti var Ívar Ragnarsson frá Skotíþróttafélagi Kópavogs með 541 stig, í þriðja sæti var svo hún Aðalheiður Lára Guðmundsdóttir frá Skotfélagi Snæfellsness með 539 stig.

Sveit Skotdeildar Keflavíkur sigraði liðakeppnina með 1580 stigum, í öðru sæti var svo A-sveit Skotíþróttafélag Kópavogs með 1567 stig og í því þriðja B-sveit Skotíþróttafélag Kópavogs með 1452 stig.

Í loftriffli sigraði einnig Jórunn Harðardóttir frá Skotfélagi Reykjavíkur á 597.5 stigum, í öðru sæti var Íris Eva Einarsdóttir einnig frá Skotfélagi Reykjavíkur á 581.3 stigum, í þriðja sæti var Aðalheiður Lára Guðmundsdóttir frá Skotfélagi Snæfellsness á 546.5 stigum. Unglingaflokkinn sigraði svo Sigurlína W. Magnúsdóttir frá Skotfélagi Reykjavíkur á 565.0 stigum en saman voru þær Sigurlína, Jórunn og Íris Eva með lið og skoruðu þær samanlagt 1743.8 stig sem er tæplega 10 stigum frá Íslandsmetinu.

Þetta var virkilega skemmtilegt mót og fór vel á keppendum í dag sem allir skemmtu sér vel. Við þökkum fyrir gott mót og samveruna í dag og sérstaklega þökkum við þeim sem héldu utan um mótið og sáu til þess að það færi fram. Nánar á úrslitasíðu STÍ.

Skotfélag Reykjavíkur hefur nú opnað fyrir skráningar á verklegt námskeið lögreglunnar á skotvöllum félagsins á Álfsnesi, laugardaginn 15.febrúar 2025. Hægt er að skrá sig í gegnum þessa síðu: https://ust.is/veidi/veidinamskeid/skotvopnanamskeid/

Af óviðráðanlegum orsökum varð að breyta dagsetningu á Íslandsmótinu í Skeet sem átti að vera dagana 15.-17.ágúst en verður í staðinn 8.-10.ágúst

Keppni í Loftriffli á Reykjavíkurleikunum er nú lokið. Í unglingaflokki sigraði Sigurlína Wium Magnúsdóttir með 566,8 stig, Úlfar Sigurbjarnarson varð annar með 521,1 stig og bronsið hlaut Starri Snær Tómasson með 348,2 stig. Þau koma öll úr Skotfélagi Reykjavíkur. Í opna flokknum sigraði Íris Eva Einarsdóttir úr Skotfélagi Reykjavíkur með 236,4 stig, Jórunn Harðardóttir einnig úr Skotfélagi Reykjavíkur varð önnur með 234,6 stig og í þriðja sæti varð Leifur Bremnes úr Skotíþróttafélagi Ísafjarðar með 205,8 stig. Í flokki fatlaðra hlaut Þór Þórhallsson gullið í SH2-R4 með 620,4 stig og í flokki SH2-R5 með 624,4 stig.

Keppni í Loftskammbyssu á Reykjavíkurleikunum er nú lokið. Í opnum flokki fullorðinna sigraði Jón Þór Sigurðsson úr Skotíþróttafélagi Kópavogs með 230,8 stig (563), Jórunn Harðardóttir úr Skotfélagi Reykjavíkur varð önnur með 227,4 stig (547) og bronsið hlaut Ívar Ragnarsson úr Skotíþróttafélagi Kópavogs með 207,7 stig (559). Elísabet X. Sveinbjörnsdóttir úr Skotfélagi Reykjavíkur hlaut gullið í unglingaflokki með 498 stig. Í liðakeppninni sigraði A-sveit Skotíþróttafélags Kópavogs með 1,666 stig, önnur varð A-sveit Skotfélags Reykjavíkur með 1,580 stig og þriðja sætið vann A-sveit Skotdeildar Keflavíkur með 1,576 stig.