Landsmót STÍ í Sportskammbyssu á 25 metra færi fer fram í Egilshöll á laugardaginn. Keppt verður í tveimur riðlum og hefjast þeir kl. 9 og 10:30.

Fylgjast má með skorinu í beinni hérna.

Skotfimi á Reykjavíkurleikunum 2024 fer fram í Egilshöllinni um helgina. Á laugardeginum er keppt í Loftskammbyssu og í Loftriffli á sunnudeginum.  Á laugardeginum eru tveir riðlar með alls 29 keppendum kl. 9 og 11, og svo final-úrslit í beinu framhaldi um kl.13. Á sunnudaginn er einn riðill með 10 keppendum kl.9 og svo final-úrslit um kl.11

Riðlaskiptingin er hérna í Loftskammbyssu og hér í Loftriffli

Fylgjast má með skorinu í beinni hérna.

Fréttin verður uppfærð....

Vorfjarnám ÍSÍ hefst mánudaginn 5. febrúar nk og verður í boði að taka 1. og 2. stig þjálfaramenntunar ÍSÍ.  Fyrsta stigið tekur átta vikur en annað stigið tekur fimm vikur.

Námið er almennur hluti menntakerfisins og gildir jafnt fyrir allar íþróttagreinar. Sérgreinaþátt þjálfaramenntunarinnar sækja þjálfarar hjá viðkomandi sérsambandi ÍSÍ hverju sinni.

Skráning á Abler: www.abler.io/shop/isi
Skráningarfrestur til 4. febrúar!

Stjórn STÍ hefur valið Skotíþróttafólk ársins 2023 og hlaut formaður félagsins hnossið. Þetta segir í umsögninni: 

Í kvennaflokki Jórunn Harðardóttir (55 ára) úr Skotfélagi Reykjavíkur

Jórunn sigraði í keppni með Loftriffli á Reykjavíkurleikunum í vor. Hún varð einnig Íslandsmeistari í þremur greinum á árinu, í keppni með Riffli í liggjandi stöðu, í Loftriffli auk þess í keppni með Loftskammbyssu. Hún komst í úrslit á Smáþjóðaleikunum á Möltu í bæði Loftskammbyssu sem og Loftriffli en náði ekki verðlaunasæti að þessu sinni.

Í karlaflokki var það riffilskyttan Jón Þór Sigurðsson sem hlaut titilinn.

Þau fengu afhentar viðurkenningar sínar í kvöld. Það var gert samhliða vali á Íþróttamanni Ársins í hófi sem ÍSÍ og samtök íþróttafréttamanna standa árlega fyrir. Var það haldið að þessu sinni á Hilton Nordica.

Skotfélag Reykjavíkur óskar félagsmönnum, fjölskyldum þeirra og landsmönnum öllum gleðilegrar hátíðar og farsældar á komandi skotári.