Stjórn Skotfélags Reykjavíkur óskar félagsmönnum og velunnurum félagsins, gleðilegra jóla og farsældar á nýju ári.

Hið árlega áramót félagsins í riffli verður haldið laugardaginn 30.des á Álfsnesi.

Veiðirifflamótið: Mæting keppenda er kl.11:30. Keppni kl.12:00. Skotið verður á rauðu skífurnar (BR 100+200) á 100 og 200 metra færi, 10 skot á hverja skífu (2 skot í hring). Æfingaskot leyfð. Eingöngu leyfðir rifflar með tvífæti á forskefti og engan stuðning (púða) við afturskefti nema öxlina. Öll kaliber leyfð en engar hlaupbremsur. Gott væri að fá skráningu senda á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. til að sjá fjöldann sem hefði hug á að mæta.

Skotíþróttasamband Íslands hefur valið eftirtalda sem Skotíþróttamenn ársins 2017 :

Skotíþróttakarl Ársins er: Ásgeir Sigurgeirsson úr Skotfélagi Reykjavíkur

Ásgeir Sigurgeirsson (f.1985) er landsliðsmaður í Loftskammbyssu og Frjálsri skammbyssu. Ásgeir vann öll mót sem hann tók þátt í hérlendis en keppti auk þess víða erlendis. Hann er ríkjandi Íslandsmeistari í báðum sínum greinum, Frjálsri skammbyssu og Loft skammbyssu.

Hann komst í úrslit á Evrópumeistaramótinu í Maribor í Slóveníu og hafnaði þar í 7.sæti í loftskammbyssu. Einnig lenti hann í 10.sæti í blandaðri liðakeppni ásamt Jórunni Harðardóttur. Smáþjóðaleikunum í San Marinó vann hann gullið. Hann varð í 22.sæti á Heimsbikarmótinu í Munchen og í 32.sæti á Evrópumeistaramótinu í Bakú í Azerbaijan í Frjálsri skammbyssu.

Alþjóða skotíþróttasambandið ISSF var rétt í þessu að tilkynna breytingar í nokkrum kvennagreinum. Breytingarnar eru þessar :

• 10m loftriffill og loftskammbyssa kvenna fer úr 40 skotum í 60 skot
• 50m og 300m þrístöðuriffill fer úr 3x20 skot í 3x40 skot
• Skeet og trap haglabyssa fer úr 75 skífum í 125 skífur

STÍ breytir því mótaskrá vetrarins hér með samkvæmt ofangreindu.

Afmælisfagnaður félagsins var haldinn í Egilshöllinni á laugardaginn. Fjöldi karla og kvenna heimsótti okkur í tilefni dagsins. Ingvar Sverrisson formaður Íþróttabandalags Reykjavíkur afhenti Jórunni Harðardóttur veglega peningagjöf í tilefni 150 ára afmælisins. Ingvar sæmdi einnig Guðmund Kr. Gíslason framkvæmdastjóra félagsins gullmerki ÍBR fyrir vel unnin störf undanfarna áratugi. Bjarni Sigurðsson formaður Skotdeildar Keflavíkur færði félaginu blómvönd og ýmsar heillaóskakveðjur bárust úr ýmsum áttum. Nokkrar myndir frá deginum eru hérna.