|
Fimmtudagur, 02 September 2010 12:01 |
|
Komin er samantekt á skori í skeet á þessu tímabili. Taflan er hérna.
|
|
|
Þriðjudagur, 31 Ágúst 2010 17:40 |
 Á Grafarvogsdeginum sem haldinn er hátíðlegur á laugardaginn kemur verður félagið með opið í Egilshöllinni kl. 12 til 16. Innanhúskeppnisgreinar í skotfimi verða kynntar og verður hægt að skjóta af loftrifflum og loftskammbyssum félagsins undir leiðsögn reyndra keppenda SR. Aldurstakmark er 18 ár en 15-17 ára með skriflegt leyfi frá foreldrum fá einnig að skjóta.
|
|
Mánudagur, 30 Ágúst 2010 11:32 |
|
Í dag verður opið kl.17-21, á morgun þriðjudag kl.16-21, miðvikudag og fimmtudag kl.17-21. Og svo á laugardaginn kl.10-18. Athguið þó að truflun verður á starfseminni vegna námskeiðahalds á laugardaginn.
|
|
Sunnudagur, 29 Ágúst 2010 18:01 |
|
Örn Valdimarsson úr Skotfélagi Reykjavíkur sigraði á mótinu í dag og varð einnig Reykjavíkurmeistari í skeet 2010. Hann skaut 114 undankeppninni og svo 22 í úrslitum og endaði á alls 136 dúfum. Guðmann Jónasson frá skotfélaginu Markviss á Blönduósi varð annar með 135 stig, eftir bráðabana við Íslandsmeistarann úr sama félaginu, Bergþór Pálsson. ÍB-úrslitum sigraði Þórður Kárason úr SÍH á 103 dúfum, annar varð Óskar R. Karlsson úr SR á 102 dúfum og í 3ja sæti hafnaði Vignir J.Vignisson á 101 dúfu. Úrslitin eru hérna og eins myndir frá mótinu hérna. Þökkum styrktaraðilum okkar fyrir stuðninginn en þeir voru að þessu sinni Sportvörugerðin, Ísnes, Vesturröst, Ellingsen og Hlað.
|
|
Laugardagur, 28 Ágúst 2010 17:31 |
|
Á Opna Reykjavíkurmótinu er Guðmann Jónasson frá Blönduósi efstur eftir fyrri dag með 69 dúfur, en í öðru til þriðja sæti eru jafnir með 68 dúfur þeir Örn Valdimarsson úr okkar félagi og Bergþór Pálsson, Íslandsmeistarinn frá Blönduósi. Í B-keppninni er Þórður Kárason frá Hafnarfirði efstur með 51 dúfu en unglingurinn okkar, Óskar R. Karlsson, er í öðru sæti með 50 dúfur og svo Vignir J.Vignisson í 3ja sæti með 49 dúfur. Keppnin um verðlaunasætin verður því mjög spennandi á morgun. Keppni hefst kl.10:00 og verða þá skotnir 2 hringir en úrslitin hefjast svo kl.13:45. Staðan eftir fyrri daginn er hérna. Myndir frá keppni dagsins eru svo hérna.
|
|
Föstudagur, 27 Ágúst 2010 19:38 |
|
Á morgun laugardag verður lokað á haglavöllum félagsins vegna Opna Reykjavíkurmótsins. Eins verður truflun á opnun riffilvallar vegna námskeiðs Umhverfisstofnunar og Lögreglunnar. Það hefst kl. 10:00 einsog mótið og stendur fram til u.þ.b. kl.15:00.
|
|
Fimmtudagur, 26 Ágúst 2010 19:09 |
|
Tímatafla mótsins um helgina er nú komin hérna. Úrslitin hefjast á sunnudaginn kl.13:45
|
|
Mánudagur, 23 Ágúst 2010 19:44 |
|
Opna Reykjavíkurmótið verður haldið á Álfsnesi um næstu helgi. Skotnir verða 3 hringir á laugardeginum og verður þá skipt í tvo jafna flokka fyrir sunnudaginn og fara þá 50% bestu eftir fyrri daginn í A-flokk og hinn hlutinn í B-flokk. Final verður í báðum flokkum. Konur,karlar og unglingar keppa saman. Vegleg verðlaun eru veitt fyrir efstu þrjú sætin í A-flokki og eins í B-flokki. Efsti keppandinn úr Reykjavíkurfélagi hlýtur titilinn Reykjavíkurmeistari 2010. Keppnisgjald er kr. 7,000. Eftir keppni á sunnudeginum bíður félagið öllum keppendum og fylgismönnum þeirra til grillveislu á keppnisstað. Þess ber einnig að geta að Heilbrigðiseftirlit Reykjavíkurborgar veitti leyfi til keppni á sunnudeginum samkvæmt ákvæðum í starfsleyfi félagsins. Athugið að skráningu á mótið lýkur að kvöldi þriðjudagsins 24.ágúst.
|
|
Mánudagur, 23 Ágúst 2010 16:22 |
|
Nú líður að vetraopnun og eru fyrstu afleiðingar þess að við náum ekki að opna fyrr en kl.16 á miðvikudaginn. Sjá nánar undir Opnunartímar.
|
|
|
<< Fyrsta < Fyrri 1 2 3 4 5 6 7 8 9 10 Næsta > Síðasta >>
|
|
Síða 1 af 32 |
