Íslandsmeistaramótið í riffilgreininni 50m Þrístaða fór fram í Egilshöllinni í dag. Í kvennaflokki sigraði Jórunn Harðardóttir úr SR á nýju Íslandsmeti, 545 stig. Í öðru sæti hafnaði Íris Eva Einarsdóttir úr SR með 520 stig og í þriðja sæti varð Aðalheiður L. Guðmundsdóttir úr SSS með 487 stig. Í drengjaflokki hlaut Úlfar Sigurbjarnarson úr SR gullið einnig á nýju Íslandsmeti, 445 stig. Í karlaflokki sigraði Þórir Kristinsson úr SR með 541 stig, annar varð Valur Richter úr SÍ með 523 stig og í þriðja sæti Leifur Bremnes úr SÍ með 507 stig. A-lið Skotíþróttafélags Ísafjarðar vann liðakeppnina með 1480 stig en sveit Skotfélags Reykjavíkur hlaut silfrið með 1429 stig. Nánar á úrslitasíðu STÍ 

Og svo eru myndir frá mótinu hérna

Fyrsta Landsmót STÍ á nýbyrjuðu tímabilinu í haglabyssugreininni Skeet fór fram í Hafnarfirði um helgina. Pétur T. Gunnarsson úr SR sigraði með 49 stig (105), Jakob Þ. Leifsson úr SFS varð annar með 46 stig (99) og í þriðja sæti hafnaði Arnór L. Uzureau úr SÍH með 37 stig (118). Dagný H. Hinriksdóttir endaði í 6.sæti. Nánar á úrslitasíðu STÍ strax og leikskýrsla berst.

Á Íslandsmeistaramótinu í 50m liggjandi rifflinum, prone, sem fram fór í Kópavogi í dag, varð Jón Þór Sigurðsson úr SFK Íslandsmeistari í karlaflokki, Íris Eva Einarsdóttir úr SR í kvennaflokki, Karen Rós Valsdóttir úr SÍ í stúlknaflokki og Úlfar Sigurbjarnarson úr SR í flokki drengja, en setti einnig nýtt Íslandsmet drengja. Nánari skor má finna á úrslitasíðu STÍ.

Íslandsmótið í Þrístöðuriffli fer fram í Egilshöllinni á sunnudaginn.

Hægt er að fylgjast með skorinu í beinni hérna.

Íslandsmeistaramótið í Loftriffli var haldið í Egilshöllinni í dag. Í karlaflokki sigraði Guðmundur Helgi Christensen úr SR með 232,1 stig (564,2) , Leifur Bremnes úr SÍ varð annar með 203,9 stig (546,9) og Þórir Kristinsson úr SR vann bronsið með 183,0 stig (564,4). Í drengjaflokki hlaut Úlfar Sigurbjarnarson úr SR gullið með 179,3 stig (517,2) í finalnum.

Í kvennaflokki sigraði Íris Eva Einarsdóttir úr SR með 233,9 stig (590,5), Jórunn Harðardóttir úr SR varð önnur með 232,5 stig (600,7) og í þriðja sæti varð Aðalheiður Lára Guðmundsdóttir úr SSS með 180,3 stig (479,7).

Í stúlknaflokki sigraði Sigurlína Wium Magnúsdóttir úr SR með 151,9 stig (458,5) en skor hennar í finalnum er nýtt Íslandsmet í stúlknaflokki. Silfrið hlaut Karen Rós Valsdóttir úr SÍ með 110,7 stig (348,7)

Í liðakeppninni sigruðu sveitir Skotfélags Reykjavíkur bæði karla sem og kvennakeppninni. 

Í kviðdóminn "Jury" komu þrjár konur, Gyda Winther, Malin Vik og Ida Vetti, frá Norska Skotíþróttasambandinu og var búnaður keppenda skoðaður og mældur, undir vökulum augum þeirra, af Sigurði Inga Jónssyni, samkvæmt nýjustu reglum.

Íslandsmeistarar í flokkum voru ennfemur krýndir og er hægt að nálgast þær upplýsingar, úrslit og nöfn þeirra, á úrslitasíðu STÍ og á heimasíðu mótshaldara SR. Eins er slatti af myndum hérna.