Nokkrir SR-ingar eru að keppa í Bench Rest, BR50, í Þýskalandi, um helgina. Keppt var með Léttum rifflum (gamla Light varmint) í gær. Davíð Gígja náði þar frábærum árangri og hafnaði að lokum í 3ja sæti með 748 stig og 58 X-ur. Í dag verður keppt með Þungum rifflum (heavy varmint) á 3 blöð og á sunnudaginn á 2 blöð. Davíð endaði svo í 2.sæti í samanlögðu, 2-gun.

Verklegi þáttur skotvopnanámskeiða lögregleglunnar er nú loks orðinn virkur. Skotvís, hagsmunasamtök skotveiðifólks, hefur tekið að sér umsjón námskeiðanna með samningi við Ríkislögreglustjóra. Skotfélag Reykjavíkur hefur nú opnað fyrir skráningar á verkleg námskeið á skotvöllum félagsins á Álfsnesi, laugardagana 19. og 26.október og 9.nóvember. Hægt er að skrá sig í gegnum þessa síðu: https://ust.is/veidi/veidinamskeid/skotvopnanamskeid/

Hérna eru opnunartímar í Egilshöll komnir.

OPNUN á ÁLFSNESI !! Við vorum að fá frábærar fréttir frá Umhverfissofnun um að okkur er gert heimilt að hefja starfið á Álfsnesi. Bráðabirgðaheimild er komin sem gildir til 5.jan 2025 meðan unnið er að því að uppfylla kvaðir sem farið er fram á af Heilbrigðiseftirlitinu.

Tilkynningin er svona:

Umhverfisstofnun hefur tekið ákvörðun um veitingu bráðabirgðaheimildar fyrir Skotfélag Reykjavíkur.
Meðfylgjandi er bráðabirgðaheimildin sem öðlast þegar gildi og gildir í 4 mánuði.

Ákvörðun Umhverfisstofnunar er kæranleg til úrskurðarnefndar umhverfis- og auðlindamála innan eins mánaðar frá birtingu ákvörðunar Umhverfisstofnunar skv. 1. mgr. 65. gr. laga nr. 7/1998, um hollustuhætti og mengunarvarnir, sbr. 4. gr. laga nr. 130/2011 um úrskurðarnefnd umhverfis- og auðlindamála.
Auglýsing um veitingu bráðbirgðaheimildar verður birt á heimasíðu Umhverfisstofnunar.

Það VERÐUR OPNAÐ á morgun kl.10:00 og verður opið til kl. 16:00  !!

Í kvennaflokki varð María Rós Arnfinnsdóttir úr Skotfélagi Reykjavíkur Íslandsmeistari með 44/99 stig, Helga Jóhannsdóttir úr SÍH varð önnur með 36/90 stig og í þriðja sæti Dagný Huld Hinriksdóttir úr SR með 29/87 stig.

Ólympíufarinn Hákon Þór Svavarsson úr Skotíþróttafélagi Suðurlands jafnaði í dag, á Íslandsmeistaramótinu á Akureyri, eigið Íslandsmet í haglabyssugreininni Skeet, 122 stig af 125 mögulegum. Skotserían var glæsileg, 25-24-24-24-25. Í úrslitunum í karlaflokki varð Hákon svo Íslandsmeistari með 50/122 stig, í öðru sæti varð Arnór Logi Uzureau úr SÍH með 49/115 stig og í þriðja sæti Jakob Þór Leifsson úr SFS með 40/112 stig. Emil Ísak Jónsson úr Skotíþróttafélagi Hafnarfjarðar var Íslandsmeistari í unglingaflokki.