Hérna kemur riðlaskipting Reykjavíkurmótsins á laugardaginn.

Skotíþróttasambandið var að árétta reglur um afskráningar. Fréttin er í heild sinni hérna: 

Við viljum árétta reglur um afskráningar keppenda á viðurkennd STÍ-mót. En í Móta-og keppnisreglum STÍ segir í 12. gr. :

Mæti keppandi ekki til leiks, án þess að boða tilskilin forföll á sannanlegan hátt
til mótshaldara, í síðasta lagi sólahring fyrir setningu móts (24 klst), skal hann
greiða móta og keppnisgjald til mótshaldara. Mótshaldara er skylt að láta stjórn
STÍ vita af forföllum, með tölvupósti um leið og tilkynning berst frá
keppanda. Félag keppenda er ábyrgt fyrir móta og keppnisgjaldi.
13. gr.
Falli greiðsla niður á keppnis- og mótagjaldi frá bæði keppanda og félagi hans er
óheimilt að skrá hann til keppni fyrr en gjaldið hefur verið greitt.

Hér eru nokkur lykilatriði sem íþróttamenn okkar verða að fylgja samkvæmt nýja starfsleyfinu :

1. Haglaskot með blýhöglum eru bönnuð
2. Æfingar eru leyfðar á mánudögum til fimmtudaga kl. 10-19
3. Æfingar eru leyfðar á laugardögum kl. 10-16
4. Æfingar eru ekki leyfðar á föstudögum og sunnudögum
5. Æfingar eru bannaðar á: Aðfangadag eftir kl. 12, Jóladag, Nýársdag, Föstudaginn langa, Páskadag og annan í Páskum.
6. Einungis er leyft að halda fjögur mót á ári en þá má hafa opið á föstudögum, laugardögum og sunnudögum kl. 10-19 en við þurfum að tilkynna þau með 14 daga fyrirvara til Heilbrigðiseftirlits.

Það er öldungis óvíst hvernig tekst að halda starfseminni gangandi undir þessum nýju kvöðum og mun það skýrast á næstu vikum.

Nú þegar eru tveim helgum ráðstafað undir mótahald samkvæmt mótaskrá Skotíþróttasambands Íslands, Landsmót í haglabyssugreininni SKEET dagana 11. til 13. Júní og 3. - 5. september er Íslandsmótið í riffilgreininni Bench Rest og Opna Reykjavíkurmeistaramótið í SKEET (SR OPEN)

Heilbrigðiseftirlit Reykjavíkurborgar var að birta starfsleyfi félagsins og röksemdir þeirra vegna starfseminnar á Álfsnesi. Hægt er að nálgast eintak á vef Reykjavíkurborgar hérna. 

Á Landsmóti STÍ í 50m Þrístöðu, sem haldið var í Egilshöllinni í dag, sigraði Þórir Kristinsson úr SR með 1,018 stig, annar varð Valur Richter úr SÍ með 969 stig og þriðji Ingvar Bremnes úr SÍ með 911 stig. Í kvennaflokki sigraði Jórunn Harðardóttir úr SR með 1,068 stig, önnur varð Bára Einarsdóttir úr SFK með 1,024 stig og þriðja Guðrún Hafberg úr SFK með 878 stig. Nánari úrslit hérna. Finna má myndir frá mótinu á Facebook síðu félagsins