Mótaskrá STÍ í kúlugreinum er komin út. Munið að keppendur SR þurfa að skrá sig að kvöldi laugardags ef mót er viku seinna 

50. Þing ÍBR fór fram í dag.

62 fulltrúar mættu frá 26 aðildar félögum í Reykjavík á 50. Þing ÍBR.

Fjölmargar tillögur voru lagðar fyrir á þinginu og mikil umræða skapaðist meðal annars um siðamál og rafíþróttir.

Þingið samþykkti að rafíþróttir verði teknar undir hatt ÍBR og starfi innan vébanda þess, líkt og aðrar greinar innan bandalagsins. ÍBR verði falið að móta stefnu um hvernig þetta geti orðið og hvernig þetta verði fjármagnað

Kosið var í stjórn ÍBR, þar sem Ingvar Sverrisson gegnir áfram hlutverki formanns ÍBR

Í stjórn sitja:

• Gígja Gunnarsdóttir
• Lilja Sigurðardóttir
• Viggó Viggósson
• Guðrún Ósk Jakobsdóttir
• Margrét Valdimarsdóttir
• Björn M. Björgvinsson

Varamenn:

• Haukur Þór Haraldsson
• Brynjar Jóhannesson

Ingvar Sverrisson formaður ÍBR talaði um siðamál og rekstrarmál íþróttafélaga í ræðu sinni.

"Við sem íþróttahreyfing þurfum að standa saman og vinna saman að því að laga hjá okkur ferla og uppræta allt ofbeldi, við fordæmum allt ofbeldi! Við þöggum ekki niður raddir þolenda og erum tilbúin til þess að gera betur."

ÍBR og ÍTR afhentu Reykvískum Ólympíuförum viðurkenningu fyrir þátttöku sína á Ólympíuleikunum 2021. Íþrótamennirnir fjórir fengu 750.000 krónur í sinn hlut.

Nánar á ÍBR síðunni. https://www.ibr.is/frettir/50.thing

Félaginu barst í dag tölvupóstur frá Heilbrigðiseftirliti Reykljavíkurborgar þar sem félaginu er gert að STÖÐVA STARFSEMI FÉLAGSINS Á ÁLFSNESI ÞEGAR Í STAÐ !!

Ástæðan er úrskurður Úrskurðarnefndar umhverfis- og auðlindamála um að ógilda ákvörðun Heilbrigðiseftirlits Reykjavíkurborgar um útgáfu starfsleyfis fyrir starfsemi félagsins á Álfsnesi.

Skotæfingasvæði er því ekki lengur til staðar í höfuðborginni og skotíþróttafólki beint í önnur sveitarfélög !!

Bréf Heilbrigðiseftirlits Reykjavíkurborgar er hérna

Bréf Úrskurðarnefndar umhverfis- og auðlindamála er hérna

SR Open í haglabyssugreininni Skeet fór fram á velli félagsins í Álfsnesi um helgina. Pétur T. Gunnarsson og Dagný H. Hinriksdóttir hlutu titilinn Reykjavíkurmeistari 2021. Í A-flokki sigraði Pétur T Gunnar sson SR með 113/52, Hákon Þ. Svavarsson +úr SFS varð annar með 111/51 og Stefán G. Örlygsson úr SKA varð þriðji með 108/40. Í B-flokki sigraði María Rós Arnfinnsdóttir úr SÍH með 88/38, Elías M. Kristjánsson úr SKA varð annar með 82/35 og Arnór U. Þráinsson úr SÍH þriðji með 76/28. Nánari úrslit eru hérna.Nokkrar myndir hérna.

Jóhannes Frank Jóhannesson úr Skotdeild Keflavíkur varð í dag Íslandsmeistari í Bench Rest á Álfsnesi, Ingvar Í. Kristinsson úr SKAUST varð annar og Jón B. Kristjánsson úr Skotfélaginu Markviss varð þriðji. Nánar á úrslitasíðu STÍ, á www.sti.is  Nokkrar myndir hérna.