Ásgeir Sigurgeirsson lauk í nótt keppni í loftskammbyssu á Heimsbikarmótinu í Changwon í S-Kóreu. Hann endaði 15.-23.sæti með 579 stig en 581 stig þurfti til að ná inn í átta manna úrslit.

Ásgeir Sigurgeirsson úr Skotfélagi Reykjavíkur var að ljúka keppni á Heimsbikarmótinu í Suður Kóreu. Hann komst inní 8 manna úrslitin í þriðja sæti með 565 stig í Frjálsri skammbyssu (FP-Free pistol). Það er jöfnun á Íslandsmetinu sem hann á sjálfur síðan 2011. Þetta er besti árangur Ásgeirs og Íslendinga í Ólympískri skotfimi hingað til. Hann var í keppni við alla bestu skotmenn heims í þessari erfiðu grein þar sem allflestir af 84 keppendum mótsins eru atvinnumenn í greininni og allir í efstu 30 sætunum nema Ásgeir. Sjá má myndband frá úrslitunum hérna.

Vegna slæmrar verðurspár verður lokað á skotsvæðinu á Álfsnesi á morgun laugardag en samkvæmt heimild í starfsleyfi flytjum við opnunina fram á SUNNUDAG kl.12-18

Ásgeir Sigurgeirsson var að ljúka undankeppninni í frjálsri skammbyssu í Kóreu. Hann flaug áfram í aðalkeppnina með fínu skori, 560 stig. Þess má geta að Íslandsmet hans er 565 stig. Aðalkeppnin fer svo fram á morgun.

Örn Valdimarsson úr SR sigraði á Páskamóti SR í skeet sem haldið var á Álfsnesi í dag. Hann endaði með 107 stig. Í öðru sæti varð Guðmann Jónasson úr MAV með 95 stig og í þriðja sæti Karl F. Karlsson úr SR með 87 stig.