Uppfærður styrkleikalisti Skotsambands Evrópu var að birtast. Þar er ánægjulegt að sjá íslenska konu í fyrsta skipti inná skammbyssulistanum. Það er Jórunn Harðardóttir sem fer inn í 75.sæti, eftir góðan árangur á Evrópumeistaramótinu í Hollandi í síðasta mánuði í loftskammbyssu. Aðrir íslenskir afreksmenn sem eru inná listanum eru Hákon Þ.Svavarsson og Sigurður U. Hauksson í haglabyssu, Íris E.Einarsdóttir í loftriffli og svo Ásgeir Sigurgeirsson í loftskammbyssu sem og frjálsri skammbyssu.

Hið árlega Páskamót SR í skeet verður á laugardaginn kemur á Álfsnesi. Mæting kl.10:30. Skráning með tölvupósti á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. eða bara á staðnum.. Skotið verður með nýju Mattarelli-kastvélunum og svo stefnir allt í að raddstýrirkerfið (Voice Control frá Progetti)verði einnig notað í fyrsta skipti.

Á Íslandsmótinu í Grófri skammbyssu sem haldið var í Digranesi í dag sigraði Grétar M.Axelsson úr SA með 548 stig, annar varð Karl Kristinsson úr SR með 542 stig og í þriðja sæti Eiríkur Ó. Jónsson úr SFK með 517 stig.

Í liðakeppninni sigraði A-sveit Skotfélags Reykjavíkur með 1,550 stig (Karl Kristinsson, Kolbeinn Björgvinsson og Engilbert Runólfsson), í öðru sæti varð A-sveit Skotíþróttafélags Kópavogs með 1,526 stig (Sigurgeir Guðmundsson, Eiríkur Ó.Jónsson og Friðrik Goethe) og í þriðja sæti B-sveit Skotíþróttafélags Kópavogs með 1,491 stig (Guðmundur T.Ólafsson,Ólafur Egilsson og Emil Kárason).

Eins urðu félagsmenn úr Skotfélagi Reykjavíkur Íslandsmeistarar í sínum flokki þeir Karl Kristinsson í 2.flokki og Kolbeinn Björgvinsson í 0.flokki

Á Íslandsmótinu í Sport skammbyssu í Egilshöllinni í dag sigraði Grétar M. Axelsson úr SA með 536 stig, Karl Kristinsson úr SR varð annar með 524 stig og í þriðja sæti var Eiríkur Ó. Jónsson úr SFK með 523 stig. Í liðakeppninni sigraði A-sveit SFK með 1,513 stig, önnur varð A-sveit SR með 1,476 stig og íþriðja sæti hafnaði sveit SA með 1,461 stig.

Fyrsti staurinn með raddstýringunum er nú kominn upp. Okkar menn vinna nú hörðum höndum við að koma raddstýringunum í gang á skeet völlunum og er vonast til að hægt verði að prófa búnaðinn á Páskamótinu í Skeet sem haldið verður laugardaginn 4.apríl á Álfsnesi.