Skotfélag Reykjavíkur

Skotfélag Reykjavíkur var stofnað 2. júní 1867.

Þriðjudagur, 02. júní 2009 13:27
Í dag er stofndagur Skotfélags Reykjavíkur. Félagið var stofnað 2. júní 1867 og var fyrsta aðstaða félagsins við Tjörnina í Reykjavík. Það er hægt að lesa nánari útdrátt úr sögu félagsins hér að ofan á "Um félagið". Stjórn félagsins óskar félagsmönnum til hamingju með daginn !

Smáþjóðaleikarnir á Kýpur hefjast á mánudaginn

Laugardagur, 30. maí 2009 23:30
Íslensku keppendurnir á Smáþjóðaleikunum á Kýpur, sem hefjast á mánudaginn, halda utan í fyrramálið. Samtals eru að fara um 200 manns á vegum ÍSÍ á leikana. Okkar félag á eftirtalda fulltrúa: Ásgeir Sigurgeirsson, Guðmundur Kr.Gíslason, Jórunni Harðardóttur, Guðmundur H.Christensen og Örn Valdimarsson. Nánari fréttir eru á síðu STÍ, www.sti.is

Skotvopnanámskeið lögreglunnar

Föstudagur, 29. maí 2009 08:17

Á morgun laugardag verður haldið skotvopnanámskeið lögreglunnar og UST í Álfsnesi. Truflun verður á venjulegri starfsemi okkar en samt verður opið bæði í haglabyssuna sem og á riffilsvæðið. Athugið þó að námskeiðið nýtur forgangs á svæðinu meðan það stendur yfir og verða menn að sýna biðlund. Þarna eru jú okkar framtíðar félagar að stíga sín fyrstu spor í skotfiminni. Félagsmenn hafa tekið þessum námskeiðum mjög vel og unað sáttir við sitt meðan það stendur yfir.

Reykjavíkurmeistarar 2009

Þriðjudagur, 26. maí 2009 22:14

Á Reykjavíkurmeistaramótinu í loftbyssu, sem haldið var í Egilshöllinni í kvöld, varð Ásgeir Sigurgeirsson meistari í loftskammbyssu karla á 577 stigum og Guðmundur Kr. Gíslason annar á 559 stigum. Í kvennaflokki sigraði Jórunn Harðardóttir með 369 stig. Í loftriffli karla varð Guðmundur Helgi Christensen meistari á 544 stigum og Sigfús Tryggvi Blumenstein þriðji með 526 stig. Bjarki Karl Snorrason varð svo Reykjavíkurmeistari unglinga í loftriffli á 404 stigum. Nánari úrslit eru svo á www.sti.is

Reykjavíkurmótið í loftbyssu

Mánudagur, 25. maí 2009 17:09
Opna Reykjavíkurmótið í loftbyssugreinunum, loftskammbyssu og loftriffli, verður haldið í Egilshöllinni í kvöld, þriðjudag og hefst það kl.17. Því ætti svo að vera lokið um kl.21