Á Íslandsmóti STÍ í Grófri skammbyssu sem fram fór í Kópavogi í dag varð Karl Kristinsson úr Skotfélagi Reykjavíkur Íslandsmeistari, annar varð Eiríkur Ó.Jónsson úr Skotíþróttafélagi Kópavogs og í þriðja sæti hafnaði Grétar M. Axelsson úr Skotfélagi Akureyrar. Í liðakeppninni varð A-sveit Skotfélags Reykjavíkur Íslandsmeistari en liðið skipuðu ásamt Karli, Jón Árni Þórisson og Engilbert Runólfsson. _Ljósm:JAK

Íslandsmótið í Sportskammbyssu fer fram í Egilshöllinni á sunnudaginn.

PÁSKAMÓT SR í Skeet fer fram laugardaginn 15.apríl og verða skotnir 3 hringir, 75 dúfur. Mótið hefst kl.10:00. Forgjafarkerfi SR verður notað en þar fær skotmaður forgjöf miðað við þann flokk sem hann er í, þ.e. 1.flokkur eina dúfu pr.hring, 2.flokkur tvær, 3.flokkur þrjár og 0.flokkur fjórar. Meistaraflokkur hefur enga forgjöf.

Eitt fjölmennasta loftriffilmót sem haldið hefur verið á Íslandi var haldið í dag í aðstöðu Skotfélags Reykjavíkur, elsta íþróttafélagi landsins sem heldur nú í ár upp á 150 ára afmæli sitt. 

Í kvennaflokki varð Jórunn Harðardóttir úr Skotfélagi Reykjavíkur Íslandsmeistari með 396,0 stig, önnur varð Bára Einarsdóttir úr Skotíþróttafélagi Kópavogs með 368,1 stig og í þriðja sæti Guðrún Hafberg úr Skotíþróttafélagi Kópavogs með 362,7 stig.
Íslandsmeistarar í liðakeppni kvenna varð sveit Skotíþróttafélags Kópavogs með 983,0 stig en sveitina skipa Bára Einarsdóttir, Guðrún Hafberg og María A. Clausen. Í öðru sæti varð sveit Skotfélags Reykjavíkur með 964,3 stig en þá sveit skipuðu Jórunn Harðardóttir, Þórey Inga Helgadóttir og Viktoría E. Bjarnarson. 

Theódór Kjartansson úr Skotdeild Keflavíkur varð Íslandsmeistari í karlaflokki með 555,7 stig, annar varð Róbert V. Ryan úr Skotfélagi Reykjavíkur með 548,9 stig og í þriðja sæti varð Breki Atlason úr Skotíþróttafélagi Kópavogs með 542,8 stig. Íslandsmeistarar í liðakeppni karla varð Sveit Skotfélags Reykjavíkur með 1.599,7 stig en sveitin var skipuð þeim Róbert V.Ryan, Þóri Kristinssyni og Þorsteini B. Bjarnarsyni. Í öðru sæti varð A-sveit Skotíþróttafélags Kópavogs með 1.510,6 stig en sveitina skipuðu þeir Bjarni Valsson, Jón V. Björnsson og Breki Atlason. Í þriðja sæti varð sveit Skotdeildar Keflavíkur með 1.434,5 stig en hana skipuðu Theódór Kjartansson, Richard B. Bushing og Magnús Guðjón Jensson.
Í unglingaflokki varð Richard B. Busching Íslandsmeistari með 452,8 stig, annar varð Magnús Guðjón Jensson með 426,0 stig og í þriðja sæti Einar Hjalti Gilbert með 422,5 stig. Þeir skipuðu unglingasveit Skotdeildar Keflavíkur og er árangur þeirra nýtt liðamet í unglingaflokki karla, 968,6 stig. Íslandsmeistari unglinga í kvennaflokki varð Viktoría E. Bjarnarson úr Skotfélagi Reykjavíkur með 302,4 stig. Fleiri myndir frá keppninni eru hérna.

Eitt fjölmennasta loftbyssumót sem haldið hefur verið á Íslandi var haldið í dag í aðstöðu Skotfélags Reykjavíkur, elsta íþróttafélagi landsins sem heldur nú í ár upp á 150 ára afmæli sitt. Kristína Sigurðardóttir, Skotfélagi Reykjavíkur, kom, sá og sigraði í kvennaflokki eftir nokkra ára hlé frá keppni eftir langvinn meiðsli. Kristína skoraði 365 stig og vann Jórunni Harðardóttur úr sama félagi með einu stigi. Í þriðja sæti varð Sigurveig Helga Jónsdóttir úr Skotíþróttafélagi Kópavogs með 354 stig. Íslandsmeistari í karlaflokki varð Ásgeir SIgurgeirsson, Skotfélagi Reykjavíkur, sem skoraði 577 stig, í öðru sæti varð Ívar Ragnarsson á 553 stigum og þriðji varð Thomas Viderö með fimm stigum minna, en þeir tveir síðarnefndu koma úr Skotíþróttafélagi Kópavogs.

Íslandsmeistarar í liðakeppni kvenna varð Skotfélag Reykjavíkur með þær Kristínu, Jórunni og Ragnheiði Braeckman innanborðs (1031 stig). Í öðru sæti var sveit Skotíþróttafélags Kópavogs með 1004 stig, en sveitina skipa Sigurveig Helga, Guðrún Hafberg og Freydis Björnsdóttir.

A-sveit Skotíþróttafélags Kópavogs varð Íslandsmeistari í karlaflokki með 1618 stig með þá Ívar Ragnarsson, Thomas Viderö og Ólafur Egilsson, í öðru sæti varð sveit Skotfélags Reykjavíkur á 1599 stigum (Ásgeir SIgurgeirsson, Karl Kristinsson og Guðmundur Helgi Christensen) og þriðja sætið vermdi B-sveit Skotíþróttafélags Kópavogs (1489 stig) með þá Guðmund Ævar Guðmundsson, Jóhann A. Kristjánsson og Bjarna Valsson.

Í unglingaflokki varð Heimir Þorláksson Íslandmeistari með 489, annar varð Skarphéðinn Jónsson með 485 stig og í þriðja sæti hafnaði Símon Ingólfsson með 354 stig. Þeir skipuðu sveit Skotfélags Akureyrar og er árangur þeirra nýtt liðamet í unglingaflokki karla. Íslandsmeistari unglinga í kvennaflokki varð Dagný Rut Sævarsdóttir úr Skotíþróttafélagi Kópavogs með 322 stig.

Nokkrar myndir frá mótinu eru hérna.