Skotfélag Reykjavíkur

Fréttatilkynning frá ÍSÍ vegna COVID-mála

Þriðjudagur, 18. maí 2021 16:54

Fréttatilkynning

Reykjavík, 18. maí 2021

Til fjölmiðla

Íþrótta- og Ólympíusamband Íslands og sambandsaðilar þess, hafa undanfarna mánuði sóst eftir því hjá sóttvarnayfirvöldum, bæði með fundahaldi, símtölum og skriflegum erindum, að afreksíþróttafólk landsins fái forgang í bólusetningu, að loknum bólusetningum viðkvæmra hópa og heilbrigðisstarfsfólks, svo það geti með öruggari hætti tekið þátt í alþjóðlegu mótahaldi.

Nánar...

Aðalfundur félagsins verður haldinn 27.maí

Mánudagur, 17. maí 2021 18:44
Aðalfundur félagsins verður haldinn fimmtudaginn 27.maí n.k. í Egilshöllinni í Grafarvogi. Fundurinn hefst kl.19:00

Pétur sigraði á Landsmótinu í Þorlákshöfn

Mánudagur, 17. maí 2021 09:39

Pétur T. Gunnarsson úr Skotfélagi Reykjavíkur sigraði á Landsmóti STÍ í Skeet sem fram fór í Þorlákshöfn um helgina.

Frétt frá STÍ:

Landsmót STÍ fór fram á velli Skotíþróttafélags Suðurlands um helgina. Í skeet keppni karla sigraði Pétur T. Gunnarsson úr Skotfélagi Reykjavíkur með 50 stig (117) annar varð Jakob Þór Leifsson úr Skotíþróttafélagi Suðurlands með 43 stig (108), og í þriðja sæti varð Guðlaugur Bragi Magnússon frá Skotíþróttafélagi Akureyrar með 35 stig (111).

Einn keppandi mætti í unglingaflokki, og var það Daníel Logi Heiðarsson frá Skotfélagi Akureyrar en skor hans var 80 stig.

Í kvennakeppninni sigraði Helga Jóhannsdóttir úr Skotíþróttafélagi Hafnarfjarðar með 100 stig í , í öðru sæti varð María Rós Arnfinnsdóttir úr Skotíþróttafélagi Hafnarfjarðar með 97 stig og í þriðja sæti varð Rósa Björg Hema úr Skotíþróttafélagi Akureyrar með 60 stig. Þar sem konurnar voru bara 3 var ekki skotinn finall.

Sjá má nánar um skor manna á úrslitasíðunni á www.sti.is

Útlit skotvallarins í Lonato á Ítalíu

Mánudagur, 10. maí 2021 17:44
Á þessum myndum má sjá hvernig Ítalir byggja utan um skotíþróttavelli sína. Þetta er einn stærsti skotvöllur í Evrópu sem staðsettur er í Lonato á Ítalíu. Þetta er draumastaðan á Álfsnesi, fullkomnir keppnisvellir fyrir Ólympískar skotíþróttir.

Keppni í Skeet á WC í Lonato á Ítalíu

Mánudagur, 10. maí 2021 14:21

Þá er keppni lokið í einstaklingskeppninni á Heimsbikarmótinu í Skeet á Ítalíu. Hákon Þ. Svavarsson hafnaði í 64.sæti af 112 keppendum með 116 stig (24-24-22-23-23), Stefán G. Örlygsson í 99.sæti með 108 stig (23-21-23-21-20). Í kvennakeppninni varð Helga Jóhannsdóttir í 51.sæti af 53 keppendum með 83 stig (18-17-15-13-20) og Dagný H. Hinriksdóttir einnig með 83 stig (18-18-17-15-15). Þau keppa svo í parakeppninni á miðvikudaginn.

Pétur jafnaði Íslandsmetið í Hafnarfirði

Sunnudagur, 09. maí 2021 16:20
Pétur T. Gunnarsson vann gullið og Daníel H Stefánsson bronsið á Landsmótinu í Skeet sem haldið var í Hafnarfirði í dag. Einnig jafnaði Pétur Íslandsmetið í final, 56 stig. Nánar á www.sti.is