Skotfélag Reykjavíkur

Sunnudagur, 16. desember 2018 13:19

Á landsmóti Skotíþróttasambands Íslands í Þrístöðu-riffli á 50 metra færi, sem fram fór í Egilshöllinni í dag setti Jórunn Harðardóttir úr Skotfélagi Reykjavíkur nýtt Íslandsmet í kvennaflokki með 1,095 stig, í öðru sæti varð Bára Einarsdóttir úr Skotíþróttafélagi Kópavogs með 1,017 stig og í þriðja sæti í kvennaflokki varð Guðrún Hafberg úr Skotíþróittafélagi Kópavogs með 983 stig.

Í karlaflokki sigraði Guðmundur Helgi Christensen úr Skotfélagi Reykjavíkur með 1,090 stig, annar varð Leifur Bremnes úr Skotíþróttafélagi Ísafjarðar með 995 stig í þriðja sæti hafnaði Þorsteinn Bjarnarson úr Skotfélagi Reykjavíkur með 957 stig.Â

Landsmót í Egilshöll í dag

Laugardagur, 15. desember 2018 15:19

Landsmót STÍ í 50m liggjandi riffli fór fram í Egilshöllinni í dag. Í kvennaflokki sigraði Bára Einarsdóttir úr Skotíþróttafélagi Kópavogs með 614,4 stig, önnur varð Jórunn Harðardóttir úr Skotfélagi Reykjavíkur með 609,7 stig og í þriðja sæti hafnaði Margrét L. Alfreðsdóttir úr Skotíþróttafélagi Kópavogs með 581,1 stig. Í karlaflokki sigraði Jón Þór Sigurðsson úr Skotíþróttafélagi Kópavogs með 613,1 stig, annar varð Arnfinnur A. Jónsson úr Skotíþróttafélagi Kópavogs með 613,0 stig og í þriðja sæti Guðmundur Helgi Christensen úr Skotfélagi Reykjavíkur með 607,9 stig. Sveit Skotíþróttafélags Kópavogs sigraði í liðakeppni karla með 1.819,8 stig, önnur varð sveit Skotíþróttafélags Ísafjarðar með 1.794,9 stig og í þriðja sæti sveit Skotfélags Reykjavíkur með 1.788,1 stig. Aðeins ein sveit var skráð í liðakeppni kvenna, sveit Skotíþróttafélags Kópavogs með 1.766,6 stig.

LOKAÐ á Álfsnesi og í Egilshöll í dag

Laugardagur, 15. desember 2018 11:35

Það verður LOKAÐ á Álfsnesi og í Egilshöll í dag. Í Egilshöllinni fer fram landsmót í riffilskotfimi og á Álfsnesi er rafmagnslaust vegna bilunar í kerfi Veitna. Viðgerð stendur yfir en reikna má með að ekki komist rafmagn á fyrr en seinni partinn í dag.Â Eins eru vindhviður uppí 18 m/sek sem stendur og grenjandi rigning og ekkert vit í að stunda skotfimi við þessar aðstæður. Góða helgi....

Landsmót í Egilshöll um helgina

Föstudagur, 14. desember 2018 07:30
Landsmót STÍ í 50m riffli liggjandi og þrístöðu fara fram um helgina í Egilshöllinni. Keppni hefst báða dagana kl.10. Riðlaskipting er hér.

Jón Árni sigraði á landsmóti í frjálsri skammbyssu

Mánudagur, 10. desember 2018 16:41
Landsmót STÍ í Frjálsri skammbyssu fór fram í Digranesi í Kópavogi í dag. Jón Árni Þórisson úr Skotfélagi Reykjavíkur sigraði með 469 stig, í öðru sæti varð Sigurgeir Guðmundsson úr Skotíþróttafélagi Kópavogs með 465 stig og 3 x-ur og í þriðja sæti Bára Einarsdóttir úr Skotíþróttafélagi Kópavogs með sama stigafjölda en eina x-tíu.

Breyting á skráningarfresti í mót

Sunnudagur, 09. desember 2018 09:49
Stjórn STÍ samþykkti nýlega breytingar á skráningarreglum sínum. Aðalbreytingin felst í því að nú þurfa aðildarfélögin að tilkynna keppendur sína 5 virkum dögum fyrir mót. Skrá þarf þá keppendur í síðasta lagi á sunnudagskvöldi vikunni fyrir mót næstu helgi þar á eftir. Breytingin tekur gildi frá og með 1.janúar 2019.