Dagný H. Hinriksdóttir er Reykjavíkurmeistari kvenna í skeet eftir fyrri daginn á SR Open sem haldið er á Álfsnesi um helgina. Helga Jóhannsdóttir úr Skotíþróttafélagi Hafnarfjarðar varð Bikarmeistari kvenna í skeet 2015. Í opna flokknum er Sigurður Unnar Hauksson efstur með 70 stig, Örn Valdimarsson er annar með 69 stig og í þriðja sæti er Pétur T. Gunnarsson með 66 stig. Keppnin heldur áfram á morgun. Nokkrar myndir frá keppni dagsins verða aðgengilegar hérna.

Staðan í karlaflokki til Bikarmeistara STÍ er þannig fyrir Bikarmótið að efstur er Grétar M. Axelsson úr SA með 45 stig, annar er Örn Valdimarsson úr SR með 43 stig, þriðji er Guðlaugur B. Magnússon úr SA með 41 stig og í fjórða til fimmta sæti eru Hákon Þ.Svavarsson úr SFS og Sigurður U. Hauksson úr SR með 40 stig. Skotmenn safna stigum yfir keppnistímabilið þannig að fyrir 1.sæti fá menn 15 stig, 14 stig fyrir annað og svo koll af kolli. Þrjú bestu mót tímabilsins telja að viðbættu Bikarmótinu.

Um helgina er Reykjavík Open haglabyssumótið á dagskrá á Álfsnesi. Samhliða er Bikarmeistaramót STÍ haldið. Æfingatími keppenda 17-20 á föstudag.

Þá er kvennamótinu á Álandseyjum lokið og var árangur okkar kvenna með ágætum. Í gær bætti Snjólaug M. Jónsdóttir Íslandsmetið í skeet með því að skora 55 stig. Í dag komust tvær þeirra í B-úrslit og endaði Helga Jóhannsdóttir í 2.sæti og Dagný H. Hinriksdóttir í 6.sæti.

Í dag hefst kvennakeppnin LADIES GRAND PRIX á Álandseyjum. Keppt er í Ólympísku haglabyssugreininni "SKEET". Að þessu sinni keppa 4 íslenskar konur á mótinu en þær eru Snjólaug M.Jónsdóttir, Árný G.Jónsdóttir, Dagný H.Hinriksdóttir og Helga Jóhannsdóttir. Keppnishaldarar ætla að reyna að birta framvindu mála á heimasíðu sinni hérna. Keppni hefst í dag og lýkur á morgun.

Á Íslandsmótinu í haglabyssugreininni SKEET sem haldið var á Akureyri um helgina sigraði Hákon Þ. Svavarsson úr Skotíþróttafélagi Suðurlands, annar varð Hörður S. Sigurðsson úr Skotíþróttafélagi Hafnarfjarðar og í þriðja sæti hafnaði Grétar M. Axelsson úr Skotfélagi Akureyrar. Í liðakeppninni sigraði A-sveit Skotfélags Reykjavíkur með 319 stig (Sigurður U.Hauksson 108, Guðmundur Pálsson 106, Örn Valdimarsson 105). Í öðru sæti varð A-sveit Skotíþróttafélags Hafnrfjarðar með 314 sti (Hörður S.Sigurðsson 109,Sigurður J.Sigurðsson 105, Jakob Þ.Leifsson 100) og í þriðja sæti A-sveit Skotfélags Akureyrar með 312 stig (Grétar M.Axelsson 106, Guðlaugur B.Magnússon 108, Ómar Ö. Jónsson 98).