Á landsmóti STÍ sem haldið var í Egilshöllinni í dag sigraði Kolbeinn Björgvinsson með 484 stig, Jórunn Harðardóttir varð önnur með 471 stig og Jón Á. Þórisson þriðji með 462 stig. Þau koma öll úr Skotfélagi Reykjavíkur. Í liðakeppninni sigraði A-sveit Skotfélags Reykjavíkur og B-sveitin varð í öðru sæti.

RISA fjölskylduhátíð verður í Egilshöllinni á laugardaginn 7.nóvember kl. 15-17.  Hjá okkur verður hægt að prófa að skjóta af loftrifflum. Athugið að börn verða að hafa náð 15 ára aldri til að mega prófa og þurfa 15-18 ára að vera með skriflegt leyfi foreldra eða í fylgd með þeim.

Landsmót í Staðlaðri skammbyssu fer fram í Egilshöllinni á laugardaginn. Skráðir keppendur eru 8 og verða því tveir riðlar. Fyrri riðill hefst kl.10 og seinni kl.11:15. Nánar um röðun á morgun. Keppnisæfing er á föstudegi kl.17:00-18:30

Guðmundur Helgi Christensen úr Skotfélagi Reykjavíkur sigraði á landsmóti STÍ sem haldið var í Digranesi í dag. Skorið var 618,0 stig. Í kvennaflokki varð Jórunn Harðardóttir úr Skotfélagi Reykjavíkur í öðru sæti með 600,0 stig. Í liðakeppninni í karlaflokki varð A-sveit SR í öðru sæti með 1779,5 stig en auk Guðmundar Helga skipuðu sveitina þeir Þórir Kristinsson (584,5) og Þorsteinn B. Bjarnarson (577,0) Nánar um mótið á heimasíðu STÍ.

Fyrsta Landsmót vetrarins í innigreinunum fór fram í dag í Kópavogi. Keppt var í loftskammbyssu og loftriffli. Ásgeir Sigurgeirsson sigraði í loftskammbyssu á mjög góðu skori, 585 stig. Í loftskammbyssu kvenna sigraði Jórunn Harðardóttir með 367 stig. Í unglingaflokki í loftskammbyssu kvenna sigraði Margrét Skowronski á nýju Íslandsmeti. Guðmundur Helgi Christensen sigraði í loftriffli karla. Jórunn Harðardóttir sigraði svo einnig í loftriffli kvenna. Sjá nánar á www.sti.is