Landsmót STí í Frjálsri skammbyssu var haldið í Egilshöllinni í morgun. Thomas Viderö úr SFK sigraði með 512 stig, Jórunn Harðardóttir úr SR varð önnur með 503 stig og Guðmundur Helgi Christensen úr SR varð þriðji með 476 stig. Í liðakeppninni vann sveit SR með 1,407 stig og í öðru sæti hafnaði sveit SFK með 1,194 stig.

Landsmót STÍ í frjálsri skammbyssu fer fram í Egilshöllinni á laugardaginn. Keppnisæfing verður á föstudaginn kl.17 - 18. Lokað verður fyrir almennar æfingar.

Á Landsmóti STÍ í 50 metrum liggjandi riffli sem haldið var í Egilshöllinni í dag, sigraði Jón Þ.Sigurðsson úr SFK með 618,5 stig, Guðmundur Helgi Christensen úr SR varð annar með 616,5 stig og í þriðja sæti Valur Richter úr SÍ með 610,4 stig. Í kvennaflokki sigraði Bára Einarsdóttir úr SFK með 605,0 stig, önnur varð Jórunn Harðardóttir úr SR með 604,2 stig og í þriðja sæti Íris Eva Einarsdóttir úr SR með 550,2 stig. Í liðakeppninni sigraði lið SFK með 1.810,1 stig og í öðru sæti varð sveit SÍ með 1.806,7 stig.

Á sunnudaginn verður haldið landsmót STÍ í 50m riffli liggjandi í Egilshöllinni. Meðf er riðlaskiptingin.

Á landsmóti STÍ í loftbyssugreinunum sem haldið var í Borgarnesi í dag, sigraði Ásgeir Sigurgeirsson úr SR í loftskammbyssu karla með 575 stig, annar varð Thomas Viderö úr SFK með 555 stig og Kristján V.Pálsson úr SKV varð þriðji með 519 stig. Í kvennaflokki sigraði Jórunn Harðardóttir úr SR með 372 stig, Bára Einarsdóttir úr SFK varð önnur með 361 stig og í þriðja sæti varð Berglind Björgvinsdóttir úr SKA með 357 stig. Í unglingaflokki sigraði Margrét Skowronski úr SR með 337 stig og Dagný R.Sævarsdóttir úr SFK varð önnur með 332 stig. Bæði þessi skor eru hærri en gildandi Íslandsmet. Í loftriffli hlaut Theodór Kjartansson gullið í karlaflokki með 549,7 stig og Jórunn Harðardóttir í kvennaflokki með 380,0 stig. Íris E.Einarsdóttir féll úr leik eftir að riffill hennar bilaði.