Skotfélag Reykjavíkur

Sunnudagur, 20. mars 2016 21:29

Landsmót Skotíþróttasambands Íslands í 50m liggjandi riffli fór fram í Íþróttahúsinu Digranesi í gær, sunnudaginn 20. mars. Í kvennaflokki bar Jórunn Harðardóttir, Skotfélagi Reykjavíkur, sigur úr býtun með 612,3 stig en Bára Einarsdóttir Skotíþróttafélagi Kópavogs varð önnur á 607,9 stigum. Margrét Linda Alfreðsdóttir, SFK, varð þriðja með 568,4 stig. Eitt kvennalið mætti til leiks, A sveit Skotíþróttafélags Kópavogs, skipað þeim Báru, Margréti Lindu og Guðrúnu Hafberg en þær stöllur bættu Íslandsmet sitt í greininni. Skor þeirra var 1718.4 stig. Í karlaflokki sigraði Guðmundur Helgi Christensen, SR, með 616.2 stig. Jón Þór Sigurðsson SFK, varð annar á 609,7 stigum og Stefán Eggert Jónsson varð þriðji með 605,7 stig. Í liðakeppni karlaflokksins sigraði A lið SFK með 1805,1 stigum. Sveit SFK skipuðu þeir Jón Þór, Stefán Eggert og Ólafur Sigvaldason. A sveit Skotíþróttafélags Ísafjarðarbæjar varð önnur með 1800,9 stig. Sveit ísfirðinganna skipuðu Guðmundur Valdimarsson, Valur Richter og Ívar Már Valsson.

Örn í 26.sæti eftir fyrri daginn á Kýpur

Laugardagur, 19. mars 2016 17:49

Heimsbikarmótið í Larnaca á Kýpur hófst í dag. Keppt er í öllum haglabyssugreinum en Ísland er með tvo keppendur í skeet. Örn Valdimarsson er í 26.sæti eftir fyrri daginn með 69 stig (22-23-24) og Hákon Þ.Svavarsson er í 54.sæti með 66 stig (25-19-22) Hægt verður að fylgjast með seinni hlutanum á morgun á síðu keppninnar hérna.

UPPFÆRT 20.MARS: Örn endaði með 110 stig (22-23-24-21-20) og hafnaði í 56.sæti og Hákon var með 109 stig (25-19-22-20-23) og lauk keppni í 62.sæti. Keppendur voru 91 að þessu sinni.

Landsmót í Sport skammbyssu á Akureyri

Sunnudagur, 13. mars 2016 19:22

Landsmót STÍ í Sport-skammbyssu fór fram á Akureyri í dag. Grétar Mar Axelsson úr Skotfélagi AKureyrar sigraði með 533 stig, annar varð Jón Árni Þórisson úr SKotfélagi Reykjavíkur með 508 stig og í þriðja sæti varð Þórður Ívarsson úr Skotfélagi Akureyrar með 494 stig. Í liðakeppninni sigraði A-sveit Skotfélags Akureyrar með 1,517 stig, í öðru sæti varð sveit Skotfélags Reykjavíkur með 1,439 stig og í þriðja sæti B-sveit Skotfélags Akureyrar með 1,305 stig.

Landsmót í Grófri skammbyssu

Sunnudagur, 13. mars 2016 10:42

Landsmót STÍ í Grófri skammbyssu fór fram á Akureyri í gær. Grátar M.Axelsson úr Skotfélagi Akureyrar sigraði með 515 stig, annar varð Þórður Ívarsson úr SKotfélagi Akureyrar með 501 stig og í þriðja sæti hafnaði Jórn Á. Þórisson úr Skotfélagi Reykjavikur með 461 stig. Í liðakeppni varð Sveit Skotfélags Akureyrar efst með 1,462 stig en sveitin var skipuð þeim Grétari og Þórði ásamt Þorbjörgu Ólafsdóttur. Í öðru sæti var sveit Skotfélags Reykjavíkur en hana skipuðu ásamt Jóni þeir Engilbert Runólfsson og Ólafur Gíslason.