Ásgeir Sigurgeirsson er nú staddur í München í Þýskalandi og tekur þar þátt í einu sterkasta móti ársins og er fínn undirbúningur fyrir Evrópumeistaramótið sem fer fram í Ungverjalandi seinni partinn í febrúar. Hann keppir á morgun kl.08:00  og á laugardaginn kl. 10:00. Ef vel gengur þá eru finalarnir kl.10:30 á morgun og kl.11:00 á laugardaginn. Hægt er að fylgjast með skorinu í beinni hérna.  Hann keppti á þessum mótum í fyrra og náði bronsinu í seinna mótinu og endaði í áttunda sæti í því fyrra en komst í úrslit í þeim báðum.

Frétt af www.bb.is:

Á sunnudaginn 31.janúar verður skotíþróttahúsið á Torfnesi á Ísafirði opnað og verður opið hús af því tilefni. Húsið er í áhorfendastúkunni við grasvöllinn á Torfnesi. Tilkoma skotíþróttahússins gjörbyltir allri aðstöðu til skotíþróttaiðkunar og bogfimi í Ísafjarðarbæ. Stjórn Skotíþróttafélags Ísafjarðarbæjar vonast til að sem flestir sjái sér fært að koma og samfagna þessum tímamótum í starfsemi félagsins og kynna sér aðstöðuna. Gestum gefst kostur á að reyna sig við bogfimi, sér að kostnaðarlausu.
Allir eru velkomnir og húsið verður opið frá kl. 13 til kl. 15.
Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Fréttatilkynning frá Íþróttabandalagi Reykjavíkur

Fyrri keppnishelgi Reykjavíkurleikana lauk með mikilli hátíð í Laugardalshöll þar sem hópur íþróttafólks og Sirkus Ísland var með glæsilega sýningu. Þá flutti hljómsveit hússins og söngkonan Unnur Birna Björnsdóttir einnig lag leikanna, What we are. Sóley Tómasdóttir, forseti borgarstjórnar, ávarpaði gesti fyrir hönd Reykjavíkurborgar og afhendi besta íþróttafólkinu í hverri grein viðurkenningu ásamt Ingvari Sverrissyni formanni Íþróttabandalags Reykjavíkur.

Þessi voru best/stigahæst í hverri íþróttagrein:

Bogfimi
Guðjón Einarsson, Ísland og Kelea Quinn, Kanada

Frjálsar íþróttir
Robert Williams Gracewill, Bandaríkjunum og Aníta Hinriksdóttir, Ísland

Badminton unglinga
Davíð Bjarni Björnsson, Ísland og Arna Karen Jóhannsdóttir, Ísland

Listhlaup á skautum
Wayne Wing Yin Chung, Hong Kong og Camilla Gjersem, Noregur

Íslensk Glíma
Ásmundur Hálfdán Ásmundsson, Ísland og Marín Laufey Davíðsdóttir, Ísland

Júdó
Franck Vernez, Frakkland og Viard Gwanaelle, Frakkland

Skotfimi
Ásgeir Sigurgeirsson, Ísland og Jórunn Harðardóttir, Ísland

Sund
Viktor B Bromer, Danmörk og Mie Østergaard Nielsen, Danmörk

Skvass
Matthieu Huin, Frakkland

Næst á dagskrá Reykjavíkurleikanna er cyclocross hjólreiðakeppni sem fram fer í Reiðhöllinni í Víðidal á þriðjudagskvöld. Á fimmtudag hefst svo keppni í badminton og keilu en um næstu helgi verður als keppt í 12 íþróttagreinum. Dagskrá og nánari upplýsingar er þægilegt að skoða á m.rig.is.

Íris Eva Einarsdóttir skotfimikona úr Skotfélagi Reykjavíkur var kjörin Íþróttakona Mosfellsbæjar 2015.
Íris Eva var sigurvegari í öllum innanlandsmótum í loftriffli kvenna sem haldin voru á árinu ásamt því að ná meistaraflokksárangri á á öllum mótum. Íris Eva náði ólympíulágmörkum í greininni fékk gullverðlaun Reykjavíkurleikunum 2015, og vann til gullverðlauna á smáþjóðaleikunum sem haldnir voru í Reykjavík. Hún varð íslands- og bikarmeistari á árinu. Íris Eva er númer 241 á styrkleikalista Alþjóða skotsambandsins.

Keppni í skotfimi á Reykjavíkurleikunum var að ljúka. Í loftskammbyssu karla sigraði Ásgeir Sigurgeirsson úr Skotfélagi Reykjavíkur með 571 stig. Í öðru sæti varð Thomas Viderö úr Skotíþróttafélagi Kópavogs með 562 stig og í þriðja sæti Niels Dalhof Andersen frá Danmörku með 539 stig. Í loftskammbyssu kvenna sigraði Jórunn Harðardóttir úr Skotfélagi Reykjavíkur með 362 stig, í öðru sæti varð Bára Einarsdóttir úr Skotíþróttafélagi Kópavogs með 349 stig og þriðja varð Guðrún Hafberg úr Skotíþróttafélagi Kópavogs með 329 stig.

Í loftriffli karla sigraði Guðmundur Helgi Christensen úr Skotfélagi Reykjavíkur með 578,6 stig, í öðru sæti varð Theódór Kjartansson úr Skotdeild Keflavíkur með 560,2 stig og þriðji varð Sigfús Tryggvi Blumenstein úr Skotfélagi Reykjavíkur með 527,0 stig. Í loftriffli kvenna sigraði Íris Eva Einarsdóttir úr Skotfélagi Reykjavíkur með 397,1 stig, í öðru sæti varð Jórunn Harðardóttir úr Skotfélagi Reykjavíkur með 394,5 stig og þriðja varð Bára Einarsdóttir úr Skotíþróttafélagi Kópavogs með 358,6 stig.

Í loftriffilkeppninni setti Kvennasveit Skotfélags Reykjavíkur nýtt Íslandsmet með 1.056,5 stig en í sveitinni eru ásamt Írisi og Jórunni, Dagný H. Hinriksdóttir. Sveit Skotíþróttafélags Kópavogs setti nýtt Kópavogsmet 803,7 stig í sömu grein en þá sveit skipuðu þær Bára og Guðrún ásamt Maríu Clausen.

Keppnisstjórn valdi síðan Ásgeir Sigurgeirsson sem skotkarl RIG 2016 og Jórunni Harðardóttur sem skotkonu RIG 2016.

Slatti af myndum að koma hérna