Steypt var fyrir Trap-pöllunum í gær. Oddur yfirsmiður skipulagði verkið og sá til þess að allir skiluðu sínu.

Á aðalfundi félagsins sem haldinn var í Íþróttamiðstöðinni í Laugardal í kvöld var Gunnar Sigurðsson sæmdur gullmerki félagsins og gerður að heiðursfélaga. Eins var ný stjórn félagsins kjörin en hana skipa nú Jórunn Harðardóttir formaður, Arnbergur Þorvaldsson varaformaður, Kjartan Friðriksson ritari, Guðmundur Kr. Gíslason gjaldkeri og Örn Valdimarsson meðstjórnandi. Í varastjórn eru Sigfús T. Blumenstein og Bragi Þór Jónsson sem kemur nýr inní stjórnina.

Aðalfundur félagsins verður í Íþróttamiðstöðinni í Laugardal miðvikudaginn 4.júní kl.19:00. Á dagskrá eru venjuleg aðalfundarstörf.

Í dag er Skotfélag Reykjavíkur 147 ára...

Á Landsmótinu í Þorlákshöfn í dag sigraði Hákon Þ. Svavarsson úr SFS með 112 stig (23-21-22-25-21), annar varð Kjartan Ö. Kjartansson úr SR með 105 stig (24-19-20-20-22) og í þriðja sæti varð unglingurinn Sigurður Unnar Hauksson úr SR með 104 stig. Í fjórða sæti varð Guðlaugur Bragi Magnússon úr SA með 102 stig, Örn Valdimarsson úr SR varð fimmti með 102 stig og sjötti varð Guðmann Jónasson úr MAV með 101 stig. A-sveit Skotfélags Reykjavíkur sigraði í liðakeppninni með 311 stig en hana skipuðu Sigurður Unnar Hauksson (104), Kjartan Örn Kjartansson (105) og Örn Valdimarsson (102). Í öðru sæti varð B-sveit SR með 254 stig með innanborðs þá Karl F. Karlsson (91) Gunnar Sigurðsson (83) og Sigtrygg Karlsson (80). Í þriðja sæti varð A-sveit SÍH með 237 stig en hana skipuðu Hörður Sigurðsson (88), Aðalsteinn Svavarsson (79) og Kristinn G. Guðmundsson (70)