Skotfélag Reykjavíkur

Miðvikudagur, 14. maí 2014 09:17
Skráningarfresti á landsmótin um helgina lauk í gærkvöldi. Í haglabyssuna bárust skráningar frá 28 keppendum úr 6 félögum, SR, SFS, SKA, MAV, SÍH og SA. Opin æfing keppenda í skeet kl.16-20 á Álfsnesi á föstudaginn. Í skammbyssuna bárust skráningar frá 9 keppendum úr SR og SFK. Opin æfing keppenda í Egilshöll kl.19-20

Samstarfssamningar gerðir við nokkur félög

Mánudagur, 12. maí 2014 19:57

Undanfarið hafa verið gerðir samstarfssamningar við nokkur skotíþróttafélög. Um er að ræða gagnkvæman rétt félagsmanna á æfingaaðstöðum þeirra. Nú þegar hafa samningar við Skotfélag Akraness, Skotfélagið Markviss og Skotíþróttafélag Suðurlands verið undirritaðir. Fleiri samningar bíða undirritunar.

Viðburðir um næstu helgi

Sunnudagur, 11. maí 2014 16:51

Um næstu helgi fara fram tvö landsmót hjá okkur. Í Egilshöllinni er mót í Grófri skammbyssu á laugardaginn. Á Álfsnesi er mót í haglabyssu-skeet á laugardag og sunnudag. Skráningu á þessi mót lýkur á ÞRIÐJUDAGINN og þurfa skráningar að berast á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .

Einnig er Grafarvogsdagurinn á sunnudaginn og er þá opið hús hjá okkur í Egilshöllinni þar sem gestir geta fengið að prófa loftriffla. Yngri en 15 ára geta því miður ekki fengið að prófa en 15-18 ára með heimild foreldra.

Félagsmót í BR50 riffli er á sunnudeginum á Álfsnesi sem hefst kl.10:00 og er skráning á staðnum.

Tekið til á Álfsnesi

Sunnudagur, 11. maí 2014 16:32

Í dag var tilktektardagur á svæðinu okkar í Álfsnesi. Fjöldi félagsmanna mætti og lagði sitt af mörkum. Stjórnin þakkar öllum þeim sem gáfu tíma sinn í dag og þá sérstaklega formanni skemmtinefndar, Dagnýju H. Hinriksdóttur, fyrir framtakið. Í lokin var grillveisla að hætti hússins.

OPIÐ fyrir félagsmenn á Álfsnesi í dag

Miðvikudagur, 07. maí 2014 11:11
Vegna veðurs verður opið á Álfsnesi í dag fyrir félagsmenn SR frá kl.12:00 til 19:00

Egilshöll lokar 9.maí

Þriðjudagur, 06. maí 2014 16:50
Nú er vetrarstarfinu að ljúka og er síðasti opnunardagur tímabilsins fimmtudaginn 8.maí. Vetrarstarfið hefst svo aftur mánudaginn 6.október 2014