Í Egilshöllinni, vikuna 13.-18.jan 2014 verður í gangi Janúarmót SR í BR50 með cal.22lr (ekki hi-vel skot) og verður skotið á hefðbundnum opnunartíma. Fyrirkomulagið er þannig að menn fá merkta þeim BR50 skotskífu hjá æfingastjóra og skjóta á 30 mínútum 25 skotum.

Stjórn Skotfélags Reykjavíkur óskar félagsmönnum og velunnurum félagsins gæfu og góðs gengis á nýju ári. Stjórnin þakkar þeim fjölmörgu sem lögðu hönd á plóginn í starfinu á gamla árinu og enn og aftur má geta þess að ekki verða unnin mörg afrek á sviði skotíþróttarinnar ef sjálfboðastarfs nyti ekki við. Sama er að segja um uppbyggingu starfsins í heild, hvort það er í þjálfun og leiðbeiningum í íþróttinni eða uppbyggingu og viðhaldi aðstöðunnar. Mörg afrek hafa verið unnin á sviði skotíþróttarinnar á árinu sem er að kveðja. Þau afrek verða ekki tíunduð hér enda hefur þeim verið gerð góð skil hér á síðunni að undanförnu. Stjórn félagsins hvetur þá sem vilja taka þátt í starfinu, með einhversskonar sjálfboðastarfi á nýju ári, að hafa samband við skrifstofu félagsins og eða starfsfólk félagsins á æfingasvæðum.

Gleðilegt nýtt ár, Stjórn Skotfélags Reykjavíkur.

Á Áramótum SR í dag sigraði Soffía E.Bergsdóttir í BR-rifflaflokki, í öðru sæti varð Daníel Sigurðsson og í því þriðja Egill Ragnarsson. Jóhannes G. Kristjánsson sigraði í Veiðiriffla-flokki, annar varð Sigurður E. Einarsson og þriðji Stefán Haraldsson. Í haglabyssunni var keppt í Skeet og sigraði Kjartan Örn Kjartansson, annar varð Gunnar Sigurðsson og þriðji Karl F. Karlsson.  _/gkg

Mæting keppenda á Áramótið í skeet er kl.10:30

Minnum á riffilmótið á Gamlársdag. Sjá nánari upplýsingar um mótið á næstu síðu hér að neðan... Athugið að lokaskráningu í mótið hefur verið framlengd til 30. des. til kl 18:00...