Skotfélag Reykjavíkur

Föstudagur, 02. maí 2014 14:08

Nú er Christensen-mótið í loftskammbyssu og loftriffli á miðvikudaginn kemur, 7. maí. í Egilshöllinni. Óskað er eftir skráningum keppenda á tölvupóstfangið Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Mótið hefst kl.16 og verður með svipuðu fyrirkomulagi og áður, þ.e. hægt er að mæta frjálst á bilinu 16 til 19:30 í síðasta lagi. Keppt er í opnum flokkum og skjóta bæði kyn 60 skotum. Mótið er STÍ mót og verður haldið sérstaklega utan um 40 fyrstu skotin í kvennaflokki þar sem árangur í mótinu gildir til flokka og meta. Eins og venjulega verður boðið uppá gómsætar veitingar af Christensen-fjölskyldunni.

Siddi og Elli keppa í Frakklandi um helgina

Miðvikudagur, 30. apríl 2014 14:48

Um helgina 2.-4.maí 2014 fer fram í Frakklandi landsliðsvalsmót Franska skotsambandsins. Á mótinu keppa tveir félagsmenn okkar, Sigurður Unnar Hauksson og Ellert Aðalsteinsson. Þeir eru núna í æfingabúðum á Spáni en fljúga yfir til Frakklands á morgun. Á mótinu keppa meðal annars Juan Jose Aramburu frá Spáni, Heikki Meriluoto og Marjut Heinonen frá Finnlandi, ásamt Anthony Terras og öllum hinum Frökkunum.

Dagný varð í 2.sæti á Landsmótinu í Hafnarfirði

Sunnudagur, 27. apríl 2014 19:13

Á Landsmóti STÍ, sem haldið var í Hafnarfirði um helgina, varð Dagný H. Hinriksdóttir úr Skotfélagi Reykjavíkur í öðru sæti með 28 stig og Lísa Óskarsdóttir úr SR varð í þriðja sæti með 11 stig. Eva Ó. Skaftadóttir úr SR með 9 stig. Í karlaflokki áttum við þrjá keppendur, þá Gunnar Sigurðsson með 85 stig, Guðmund Pálsson með 100 stig, en hann hafnaði í 4.sæti í aðalkeppninni, og Kjartan Örn Kjartansson með 89 stig. Saman lentu þeir í 3ja sæti í liðakeppninni. Nánar á úrslitasíðu STÍ.

Íslandsmeistaratitlar til okkar keppenda

Laugardagur, 26. apríl 2014 18:02

Á Íslandsmeistaramótinu í dag hlutu keppendur SR nokkra Íslandsmeistaratitla. Guðmundur H. Christensen í loftriffli karla, Íris Eva Einarsdóttir í loftriffli kvenna, Kristín Á. Thorstensen í loftskammbyssu unglinga, Ásgeir Sigurgeirsson í loftskammbyssu, kvennasveit SR í loftskammbyssu með Jórunni Harðardóttur, Kristínu Sigurðardóttur og Kristínu Á. Thorstensen innanborðs. Einnig varð karlasveitin meistari með þá Ásgeir Sigurgeirsson, Guðmund Kr. Gíslason og Gunnar Þ. Hallbergsson innanborðs. Nánar á úrslitasíðu STÍ.

Íslandsmót í Loftbyssu á laugardag í Egilshöll

Miðvikudagur, 23. apríl 2014 19:51

Íslandsmótið í loftskammbyssu og loftriffli fer fram í Egilshöllinni á laugardaginn. 29 keppendur eru skráðir til leiks. 1. riðill hefst með 15 mín. undirbúningstíma kl. 9:30. Æfingatími hefst kl. 9:45 og sjálf keppnin kl.10:00. 2. riðill hefst kl.11:30 með 15 mín.undirbúningstíma. Æfingatími hefst kl. 11:45 og sjálf keppnin kl. 12:00. Ath. að enginn final er haldin á þessu móti frekar en á öðrum STÍ mótum þetta árið. Þau mál eru í skoðun.

Keppnisæfing skráðra keppenda er á föstudaginn kl.19-21.

Opið á Álfsnesi fyrir félagsmenn í dag og á morgun

Þriðjudagur, 22. apríl 2014 09:14
Opið verður uppi á Álfsnesi fyrir félagsmenn Skotfélags Reykjavíkur í dag, þriðjudaginn 22. apríl og miðvikudaginn 23. apríl kl. 15-19. Á Sumardaginn fyrsta er svo opið frá kl. 13-18.