Íslandsmeistaramót STÍ í Frjálsri skammbyssu fór fram í dag. Ásgeir Sigurgeirsson úr SR varð Íslandsmeistari í einstaklingskeppninni, Stefán Sigurðsson úr SFK varð annar og Jórunn Harðardóttir, varð í þriðja sæti. Í liðakeppninni varð A-sveitin okkar Íslandsmeistari en hana skipuðu Ásgeir og Jórunn ásamt Guðmundi Kr. Gíslasyni. Í öðru sæti varð A-sveit SFK með Stefán Sigurðsson, Thomas Viderö og Karl Einarsson innanborðs. Í þriðja sæti hafnaði svo B-sveit SR en í henni voru Guðmundur H.Christensen, Engilbert Runólfsson og Jón Á.Þórisson.

  Vormót SR í loftbyssugreinunum var haldið í Egilshöllinni í kvöld. Íris Eva Einarsdóttir vann í loftriffli með 397,8 stig, Guðmundur H. Christensen varð annar með 393,1 stig og Logi Benediktsson þriðji með 375,3 stig. Í loftskammbyssu sigraði Ásgeir Sigurgeirsson með 390 stig, Thomas Viderö varð annar með 378 stig og Jórunn Harðardóttir þriðja með 367 stig.

Íslandsmótið í Frjálsri skammbyssu verður haldið í Digranesi á laugardaginn. Skráningu lýkur á þriðjudag.

Vormót í Loftskammbyssu og Loftriffli, fimmtudaginn 10.apríl. Opið er fyrir félagsmenn annarra félaga. Keppt verður í sameiginlegum flokkum karla og kvenna, 40 skot. Mæting kl.18:30 og má þá hefja undirbúning, en keppni hefst kl.19:00. Skráningargjald verður bakkelsi með kaffinu :)  Skráningu þarf að senda á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. á þriðjudeginum fyrir mótin.

Jórunn Harðardóttir formaður Skotfélags Reykjavíkur setti í dag nýtt Íslandsmet á Íslandsmótinu í 60 skotum liggjandi sem haldið var í Digranesi í Kópavogi í dag. Skotserían hennar var sérlega glæsilega, 101,1-104,7-101,5-102,7-102,6-102,9 alls 615,5 stig. Þess má geta að Ólympíulágmarkið er 615,0 stig. Í öðru sæti varð Bára Einarsdóttir með 601,7 stig. Í karlaflokki varð tónlistarmaðurinn Jón Þór Sigurðsson úr hljómsveitinni Diktu, Íslandsmeistari með 610,7 stig, annar varð margfaldur Íslandsmeistari Arnfinnur Jónsson með 610,2 stig og þriðji varð svo Stefán E. Jónsson með 607,2 stig. Í sveitakeppninni varð A-sveit Skotfélags Kópavogs Íslandmeistari. _ /gkg