Athugið að riffilskýlið verður lokað í kvöld - og fyrirhuguðu móti aflýst - vegna veðurs - nána síðar....

Innanfélagsmót í Silúettu með cal.22lr rifflum verður haldið á Álfsnesi á þriðjudagskvöldið 4.júní  kl.18. Ath skv.reglum eru leyfðir rifflar sem vega allt að 4,6kg. Skráning á staðnum. Á sama tíma er opið fyrir æfingu í BR50. Athugið einnig að svæðið er lokað fyrir annarri skotfimi á þessum tíma.

Skotfélag Reykjavíkur varð 146 ára í dag.

Í herrifflakeppni SR sigraði Kristmundur Skarphéðinsson í 300 metra keppninni og Hannes Haraldsson í 100 metra keppninni. Úrslit eru hérna og myndir komnar hérna.

Landsmóti STÍ í skeet var að ljúka og sigraði Akureyringurinn Guðlaugur Bragi Magnússon, í öðru sæti varð sveitungi hans Grétar Már Axelsson og þriðji Hákon Þ. Svavarsson úr Skotíþróttafélagi Suðurlands. Í fjórða sæti varð Sigurður Unnar Hauksson frá Húsavík. Í fimmta sæti varð Örn Valdimarsson úr Skotfélagi Reykjavíkur og Stefán Gísli Örlygsson, einnig úr Skotfélagi Reykjavíkur varð sjötti. Sveit Skotfélags Akureyrar sigraði í liðakeppninni, en í henni voru auk Guðlaugs og Grétars, Sigurður Áki Sigurðsson, A-sveit Skotfélags Reykjavíkur varð önnur, með innanborðs auk Stefáns og Arnar, Kjartan Örn Kjartansson og B-sveit SR varð í þriðja sæti, með Gunnar Sigurðsson, Hjört Sigurðsson og Sigtrygg Á. Kalrsson innaborðs. Árangur Akureyrarliðsins er einnig nýtt Íslandsmet liða. Myndir komnar hér. úrslit koma fljótlega.

Á Landsmóti STÍ í haglabyssu-skeet í dag setti Árný G. Jónsdóttir úr Skotfélagi Reykjavíkur nýtt Íslandsmet 33 stig og sigraði jafnframt í kvennaflokki. Önnur varð Helga Jóhannsdóttir úr SÍH og þriðja Dagný H. Hinriksdóttir. Þær kepptu í final samkvæmt nýju reglunum í fyrsta skipti. Í karlaflokki er staðan þannig eftir fyrri keppnisdag að Akureyringurinn Guðlaugur Bragi Magnússon leiðir með 66 stig, en fast á hæla hans koma Hákon Þ. Svavarsson frá Selfossi og unglingurinn Sigurður Unnar Hauksson báðir með 65 stig. Grétar M. Axelsson úr SA og okkar maður Stefán Gísli Örlygsson koma næstir með 63 stig og annar SR-ingur er sjötti, Örn Valdimarsson með 61 stig. Keppni hefst að nýju í fyrramálið en þá eru skotnir 2 hringir og 6 efstu fara í final, sem hefst kl.14:30. Myndir frá mótinu í dag eru komnar hérna.