Skotfélag Reykjavíkur

Landsmót UMFÍ á Selfossi 4.-7.júlí 2013

Fimmtudagur, 23. maí 2013 16:11
27. Landsmót UMFÍ á Selfossi 4.-7. júlí Fyrstu helgina í júlí verður 27. Landsmót UMFÍ haldið á Selfossi. Undirbúningur vegna mótsins hefur staðið yfir í langan tíma og stefnir Héraðssambandið Skarphéðinn á að halda glæsilegt mót. Mikil og metnaðarfull uppbygging íþróttamannvirkja hefur orðið á Selfossi á undanförnum árum og er óhætt að segja að sú aðstaða sem verður í boði fyrir keppendur á þessu móti sé ein sú besta á landinu. Sveitarfélagið Árborg hefur unnið ötullega að þessari uppbyggingu og lagt sitt á vogarskálarnar til að gera mótið sem glæsilegast. Landsmótin hafa í gegnum tíðina verið glæsilegar íþróttahátíðir og keppnisgreinar margar, bæði hefðbundnar og óhefðbundnar. Á síðasta Landsmóti, sem haldið var 2009, voru keppendur um tvö þúsund og gert er ráð fyrir svipuðum fjölda á Selfossi í ár.
Nánar...

Herrifflakeppninni frestað til 2. júní

Fimmtudagur, 23. maí 2013 15:54
Herrifflakeppninni hefur verið frestað um eina viku vegna slæmrar veðurspár. Keppnin fer því fram sunnudaginn 2.júní n.k.

Árgjöld 2013

Miðvikudagur, 15. maí 2013 15:36
Greiðslukröfur vegna árgjalds félagsins fyrir árið 2013 verða sendar í heimabanka félagsmanna í dag og á morgun. Árgjaldið er óbreytt kr. 12,000. Ef þið fáið ekki kröfu þá sendið okkur tölvupóst með upplýsingum um ykkur á : Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Hreindýraprófin að hefjast

Miðvikudagur, 15. maí 2013 15:30

Hreindýraprófin eru að hefjast. Nánari upplýsingar eru hérna. Síminn er 843-0280

Hægt er að skrá sig til próftöku hjá prófdómara okkar í síma 843-0280. Gjaldið er kr. 4,500 fyrir hvert próf og verður það að greiðast fyrir próftöku. Greiðsla verður að berast á reikning Skotfélags Reykjavíkur nr. 0516-26-000899, kt. 600269-2919 og afrit sent í tölvupósti á: Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
Prófin verða að öllu jöfnu haldin mánudaga og þriðjudaga kl.10:00 -14:00.. Ýmsar upplýsingar varðandi próftökuna eru aðgengilegar á vef Umhverfisstofnunar. Minnum veiðimenn sérstaklega á að mæta til próftökunnar með löglegar veiðikúlur skv reglugerð, ekki heilar eða match kúlur, þær eru ekki leyfðar í próftöku !!

Að gefnu tilefni er rétt að taka fram að ENGIN önnur gjöld eru tekin fyrir próftökuna !!

Eiríkur vann á Bigbore mótinu í dag

Sunnudagur, 12. maí 2013 14:50
Eiríkur Björnsson sigraði á Big Bore móti Hlað á Álfsnesi í dag. Hann endaði með 81 stig. Annar varð Pálmi S. Skúlason með 75 stig og Arnfinnur Jónsson varð þriðji með 73 stig. Nánari úrslit eru hérna. Hér má sjá Erík hleypa einu skoti af. Hér einnig myndband af Daníel taka eitt skot úr tvíhleypunni sinni.

Landsmót í skeet um næstu helgi í Höfnum

Laugardagur, 11. maí 2013 08:57
Við minnum keppnisfólk okkar í skeet á næsta landsmót STÍ, sem haldið verður á velli Skotdeildar Keflavíkur í Höfnum um næstu helgi. Skráningu lýkur á þriðjudaginn. Þið skráið ykkur á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.