Skotfélag Reykjavíkur

Miðvikudagur, 29. maí 2013 09:05

Stelpurnar okkar voru að ljúka keppni í loftrifflinum og komust þær báðar í úrslit. Íris E.Einarsdóttir bætti um betur og setti nýtt Íslandsmet, 398,0 stig! Jórunn Harðardóttir skaut 394,8 stig. Þær urðu í 5. og 6.sæti í undankeppninni. Átta efstu komast áfram í finalinn þar sem skotinn er bráðabani og þar getur allt gerst. Finallinn hefst kl.10:30 að okkar tíma og má fylgjast með honum hérna. Í úrslitunum endaði Íris svo í fimmta sæti og Jórunn í því sjöunda. Annars mjög fínn árangur hjá þeim báðum og framar vonum. Engu munaði að Íris kæmist ofar því hún lenti í að taka bráðabana um að halda áfram í fjórða sæti en missti skot útí níu sem kostaði hana sætið.

Loftriffilkeppnin í Luxemburg

Þriðjudagur, 28. maí 2013 22:48
Þá er komið að loftriffilkeppninni á Smáþjóðaleikunum í Luxemburg. Keppni hefst í fyrramálið kl.08:00 að okkar tíma og verður hægt að fylgjast með hérna. Guðmundur Helgi Christensen keppir í karlaflokki og þær Jórunn Harðardóttir og Íris Eva Einarsdóttir í kvennaflokki. LIVE

Heimsbikarmótinu var að ljúka í München

Þriðjudagur, 28. maí 2013 10:03

Heimsbikarmótinu í München var að ljúka og hafnaði Ásgeir í 23.sæti af 105 keppendum, sem er auðvitað frábær árangur. Hann skaut 577 stig (97 96 96 94 97 97) sem er samt þó nokkuð frá Íslandsmetinu sem hann setti fyrir skömmu 589 stig. Hann er sem stendur í 22.sæti á heimslistanum í loftskammbyssunni og í 13.sæti á evrópulistanum. Árangur hans er því alveg í takt við stöðu hans því hann varð í 12.sæti af evrópukeppendunum. Ásgeir pakkar nú saman og flýgur til móts við félaga sína í íslenska landsliðinu sem eru nú staddir á Smáþjóðaleikunum í Luxemburg. Þar hefst keppni í loftriffli í fyrramálið en í loftskammbyssunni á föstudaginn.

Orginal SR fáninn

Mánudagur, 27. maí 2013 20:00
Til gamans þá er hér mynd af upprunalega Skotfélags Reykjavíkur fánanum síðan á stofndaginn 2.júní 1867. Fáninn er geymdur hjá Þjóðminjasafninu og fylgir honum texti sem lesa má neðst á þessari blaðsíðu.

Ásgeir keppir í fyrramálið

Mánudagur, 27. maí 2013 19:40
Ásgeir Sigurgeirsson keppir í loftskammbyssu á Heimsbikarmótinu í München í fyramálið. Hægt verður að fylgjast með á heimasíðu Alþjóða skotsambandsins ISSF hérna.

Skráning á landsmótið í skeet um næstu helgi

Mánudagur, 27. maí 2013 19:31
Um næstu helgi fer fram Landsmót STÍ í skeet á svæði okkar á Álfsnesi. Skráningu keppenda lýkur á þriðjudag. Konur skjóta 75 dúfur og final á laugardeginum og karlar skjóta 75 dúfur á laugardeginum og svo 50 dúfur plús final á sunnudeginum. Veitt verða hefðbundin verðlaun samkvæmt reglum STÍ.