Báðar stelpurnar okkar komust í úrslit í loftskammbyssunni rétt í þessu. Jórunn Harðardóttir er í fjórða sæti með 360 stig og Kristína Sigurðardóttir í áttunda sæti með 353 stig. Úrslit átta efstu hefjast kl.10:00 að íslenskum tíma og verður gaman að fylgjast með þeim þar, því þar skjóta þær fyrst sex skotum og síðan örðum tveimurog fellur þá sú neðsta út. Þar næst önnur tvö skot og neðsta dettur út og svo koll af kolli þar til ein stendur uppi sem sigurvegari. Kristína endaði í 5.sæti en Jórunn gerði sér lítið fyrir og landaði silfurverðlaunum með glæsibrag eftir harða keppni við Eleanor Bezzina frá Möltu sem skoraði 191,2 stig gegn 187,6 stigum Jórunnar !! Frábært til hamingju stelpur með frábæran árangur.

Keppni í loftskammbyssu hefst á morgun á Smáþjóðaleikunum í Luxemburg. Kvennakeppnin hefst kl.08:00 að okkar tíma og karlar hefja leik kl.12:00. Í kvennaflokki keppa Kristína Sigurðardóttir og Jórunn Harðardóttir en í karlaflokki Ásgeir Sigurgeirsson og Thomas Viderö. Hægt verður að fylgjast með á þessari síðu.

Herrifflakeppni félagsins verður haldin á sunnudaginn kemur, 2.júní, á svæði félagsins í Álfsnesi. Skotið verður á 100+300 metrum og verðlaun veitt fyrir hvort færi. Nánari upplýsingar á bls.2 í viðburðaskjali  Mæting er kl.10:30 og hefst keppnin svo uppúr kl.11:00. Skráning á staðnum. Um framkvæmd mótsins sjá þeir Jói Vilhjálms, Eiríkur Björns og Kristmundur Skarp. Steinar Einarssson er svo yfirdómari.

Riðlaskipting Landsmóts STÍ í skeet sem haldið verður á svæði okkar á Álfsnesi um helgina er komin hérna. Alls eru 24 keppendur skráðir til leiks og þar af eru 5 konur að taka þátt.

Guðmundur Helgi Christensen fékk bronsverðlaun í loftriffli á Smáþjóðaleikunum í Luxemburg rétt í þessu. Skorið hjá honum endaði í 588,3 + 172,5 í final.