Minnum á að skráningu á Íslandsmótið í Frjálsri skammbyssu, sem haldið verður í Digranesi  laugardaginn 20.apríl, lýkur á morgun. Keppendur SR skrá sig á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Á Íslandsmótinu í Staðlaðri skammbyssu urðu tveir félagsmenn okkar meistarar í dag, Karl Kristinsson sigraði í einstaklingskeppni karla og Jórunn Harðardóttir sigraði í kvennakeppninni, en Kristína Sigurðardóttir úr SR varð önnur og Þórhldur Jónasdóttir einnig úr SR varð þriðja. Í liðakeppni karla varð A-sveit SR í öðru sæti en hana skipuðu Karl Kristinsson, Kolbeinn Björgvinsson og Jón Árni Þórisson og B-sveitin varð í 3ja sæti með innanborðs þá Sigurgeir Arnþórsson, Engilbert Runólfsson og Guðmund Kr. Gíslason. Á hópmyndinn má sjá keppendur SR á mótinu í lok móts.  Ljósm.GKG og JAK

Tveir Íslandsmeistaratitlar hjá félagsmönnum í dag ! Á Íslandsmótinu í 60sk liggjandi riffli (enskum riffli) sigruðu hjónin Guðmundur Helgi Christensen og Jórunn Harðardóttir. Við óskum þeim hjartanlega til hamingju með titlana. Skotfélag Kópavogs hélt mótið í aðstöðu sinni í Digranesi og tengdu þeir tölvubúnaðinn inná á internetið. Þannig mátti fylgjast með skorinu í beinni útsendingu. Flott framtak og vel heppnað.

Vegna yfirvofandi lögbanns velunnara Jónasar Hallgrímssonar heitins, á minningarmótið um hann, hefur verið ákveðið að taka Minningarmótið um Jónas Hallgrímsson í Benchrest endanlega út af mótaskrá Skotfélags Reykjavíkur.

Í stað minningarmótsins hefur verið ákveðið að setja í gang árlegt mót í sömu grein í Benchrest í HV-flokki. Mótið verður framvegis haldið ár hvert og heitir það hér eftir Vormót SR í Benchrest í HV-flokki. Skotið er á 200metrum og 300metrum, Grúppur ! Veitt verða verðlaun fyrir samanlagðan árangur á báðum færum. Farandbikar- og bikar til eignar fyrir fyrsta sætið og silfur og brons fyrir annað og þriðja sætið. Stjórn félagsins mun minnast Jónsasar hér á síðunni síðar og kynna félagsmönnum hans framlag til skotíþróttarinnar á næstunni.

Riðlaskipting Íslandsmótanna í Enskum riffli og Staðlaðri skammbyssu um helgina er komin hérna.