Á Reykjavik Open í haglabyssugreininni Skeet, féll eitt Íslandsmet og annað var jafnað. Dagný Huld Hinriksdóttir úr Skotfélagi Reykjavíkur bætti fyrra met um eitt stig og endaði með 44 stig (88). Hún sigraði í B-keppninni, annar varð Vignir Jón Vignisson með 39 stig (84) og í þriðja sæti varð Þórey Inga Helgadóttir með 30 stig (91) en hún varð jafnframt Reykjavíkurmeistari 2019 með árangri sínum í undankeppninni. Þau keppa öll fyrir Skotfélag Reykjavíkur. Pétur T. Gunnarsson úr Skotfélagi Reykjavíkur jafnaði Íslandsmetið í undakeppninni með því að ná 121 stigi af 125 mögulegum. Sá árangur tryggði honum Reykjavíkurmeistaratitil karla. Hann hafnaði að lokum í öðru sæti í final með 53 stig en Guðlaugur Bragi Magnússon úr Skotfélagi Akureyrar sigraði með 54 stig (115) og Örn Valdimarsson úr Skotfélagi Reykjavíkur varð þriðji með 42 stig (110).

Íslandsmótinu í riffilgreininni Bench Rest lauk á svæði Skotfélags Reykjavíkur í dag. Íslandsmeistari varð Finnur Steingrímsson úr Skotfélagi Akureyrar en hann skaut öllum sínum 50 skotum í tíuna eða alls 500 stig og eins var hann með 17 innri tíur. 500 stigum hefur enginn náð á síðustu 30 árum. Í öðru sæti varð Gylfi Sigurðsson úr Skotfélagi Húsavíkur með 498 stig og 28 innri tíur. Í þriðja sæti hafnaði Jóhannes Frank Jóhannesson úr Skotdeild Keflavíkur með 498 stig og 23 innri tíur.

Fyrri degi er nú lokið á Reykjavik Open í skeet, Pétur Gunnarsson er efstur með 73 stig, annar er G.Bragi Magnússon úr Skotfélagi Akureyrar með 69 stig og þriðji er Örn Valdimarsson úr Skotfélagi Reykjavíkur með 67 stig. Keppni lýkur á morgun en þá er skipt í A og B úrslit, einsog sjá má á meðfylgjandi skorblaði. Einnig má sjá nokkrar myndir frá mótinu hérna.

Staðan á Íslandsmótinu í Bench Rest eftir fyrri daginn liggur nú fyrir, en í dag var keppt á 100 metra færi. Jón B. Kristjánsson úr MAV frá Blönduósi er efstur með 250 stig og 13 X-ur, annar er Finnur Steingrímsson úr Skotfélagi Akureyrar einnig með 250 stig og 13 X-ur, en Jón náði fyrr X-tíu. Þriðji er svo Jóhannes Frank Jóhannesson úr Skotdeild Keflavíkur með 249 stig og 16 X-ur. Á morgun er svo keppt á 200 metra færi og Íslandsmeistaratitilinn hlýtur sá sem er efstur í samanlögðu

Hið árlega Reykjavik Open í haglabyssugreininni SKEET, verður haldið á haglabyssuvöllum félagsins á Álfsnesi um helgina. Keppnisæfing kl.16-20 á föstudag