Ásgeir Sigurgeirsson sigraði í loftskammbyssu karla á Smáþjóðaleikunum í Svartfjallalandi. Hann endaði með 234,9 stig, annar varð Boris Jeremenko frá Monaco með 231,4 stig og í þriðja sæti Jean Marie Cirelli frá Luxemburg með 212,4 stig. Ívar Ragnarsson stóð sig með prýði og endaði í 5.sæti með 169,8 stig.

Landsmót STÍ fór fram á velli Skotíþróttafélags Suðurlands um helgina. Í skeet keppni karla sigraði Stefán Gísli Örlygsson úr Skotfélagi Akraness með 53 stig (116) annar varð Hákon Þ. Svavarsson  úr Skotíþróttafélagi Suðurlands með 52 stig (118), og í þriðja sæti varð Guðlaugur Bragi Magnússon  frá Skotfélagi Akureyrar með 41 stig (118).

Tveir keppendur mættu í unglingaflokki, og var það Daníel Logi Heiðarsson frá Skotfélagi Akureyrar í fyrsta sæti en skor hans var 87 dúfur og í öðru sæti varð Ágúst Ingi Davíðsson frá Skotíþróttafélagi Suðurlands, en skor hanns var 86 dúfur.

Í kvennakeppninni sigraði María Rós Arnfinnsdóttir, Skotíþróttafélagi Hafnarfjarðar með 41 stig ( 83) stig í undankeppninni, í öðru sæti varð Helga Jóhannsdóttir úr Skotíþróttafélagi Suðurlands  með 35 stig (92) og í þriðja sæti varð Dagný Huld Hinriksdóttir úr Skotfélagi Reykjavíkur með 26 stig (84).

Í liðakeppni karla sigraði ,sveit SFS með 332 stig ( Jakob Þór Leifsson, Aðalsteinn Svavarsson, Hákon Þór Svavarsson ) Sveit SR með 315 stig (Sigurður Unnar Hauksson, Pétur T Gunnarsson Daníel Hrafn Stefánsson) varð önnur,  og sveit SKA (Stefán Gísli Örlygsson, Björn G. Hilmarsson, Elías M. Kristjánsson) í þriðja sæti með 261 stig.

Nánar á úrslitasíðu STÍ hérna.

Á hinu árlega Opna Christensenmóti sem haldið var í Egilshöllinni í Grafarvogi í dag, sigraði Íris Eva Einarsdóttir í keppni með loftriffli með 602,3 stig, í öðru sæti varð Jórunn Harðardóttir með 599,7 stig og í þriðja sæti Guðmundur Helgi Christensen með 597,7 stig. Þau koma öll úr Skotfélagi Reykjavíkur. Í keppni með loftskammbyssu sigraði Ásgeir Sigurgeirsson úr Skotfélagi Reykjavíkur með 570 stig, í öðru sæti varð Ívar Ragnarsson úr Skotíþróttafélagi Kópavogs með 563 stig og í þriðja sæti Jórunn Harðardóttir úr Skotfélagi Reykjavíkur með 554 stig.

Hið árlega Christensen-mót í lofbyssugreinunum fer fram í Egilshöllinni á morgun, laugardag.

Nú eru Hreindýraprófin byrjuð. Eins er boðið uppá kennslu og stillingu á rifflum ásamt kennslu í skotfimi með haglabyssu.-  Allar upplýsingar eru inná þessari síðu. Símanúmer prófdómara er 843-0280