Skotfélag Reykjavíkur

Íslandsmet hjá Guðmundi Helga og Viktoríu í dag

Sunnudagur, 05. maí 2019 21:28

Á Íslandsmótinu í 50 metra Þrístöðuriffli sem haldið var í Kópavogi í dag bætti Guðmundur Helgi Christensen úr Skotfélagi Reykjavíkur Íslandsmet sitt, 1,119 stig og varð Íslandsmeistari í karlaflokki. Einnig setti Viktoría E. Bjarnarson úr Skotfélagi Reykjavíkur nýtt Íslandsmet í Unglingaflokki, 931 stig og varð þvi Íslansmeistari Unglinga. Í karlaflokki varð Þórir Kristinsson úr Skotfélagi Reykjavíkur í öðru sæti með 1,008 stig og Valur Richter úr Skotíþróttafélagi Ísafjarðar þriðji með 985 stig. Í kvennaflokki varð Jórunn Harðardóttir úr Skotfélagi Reykjavíkur Íslandsmeistari með 1,079 stig og önnur varð Guðrún Hafberg úr Skotíþróttafélagi Kópavogs með 958 stig. Í liðakeppninni varð sveit Skotfélags Reykjavíkur Íslandsmeistari með Guðmund Helga, Þóri Kristinssson og Þorstein Bjarnarson innanborðs með 3,019 stig. Í öðru sæti varð sveit Skotíþróttafélags Ísafjarðar en hana skipuðu Valur Richter, Ingvar Bremnes og Leifur Bremnes, með 2,835 stig. Skorin eru hérna.

Á laugardaginn fór fram Íslandsmótið í 50m liggjandi riffli og er hægt að lesa um mótið á síðu STÍ hérna.

Íslandsmót í Grófri skammbyssu

Mánudagur, 29. apríl 2019 10:16

Íslandsmeistaramótið í Grófri skammbyssu fór fram í Kópavogi í dag. Ívar Ragnarsson úr SFK sigraði með 552 stig, annar varð Friðrik Þ. Goethe úr SFK með 540 stig og í þriðja sæti lenti Karl Kristinsson úr SR með 538 stig. Í liðakeppninni sigraði A-lið Skotíþróttafélags Kópavogs (Ívar Ragnarsson,Eiríkur Ó.Jónsson,Ólafur Egilsson) með 1,561 stig, í öðru sæti B-sveit Skotíþróttafélags Kópavogs (Friðrik Þ.Goethe, Sigurgeir Guðmundsson,Guðmundur T. Ólafsson) og þriðja sæti A-sveit Skotfélags Reykjavíkur (Karl Kristinsson, Jón Á. Þórisson, Engilbert Runólfsson). Nánar á úrslitasíðuÂ STÍ.

Íslandsmet í liðakeppni í dag

Laugardagur, 27. apríl 2019 21:03

Íslandsmótið í Sport skammbyssu fór fram í Egilshöllinni í dag. Íslandsmeistari varð Jón Þór Sigurðsson með 563 stig, annar varð Ívar Ragnarsson með 558 stig og í þriðja sæti hafnaði Friðrik Þór Goethe með 556 stig. Þeir skipuðu jafnframt A-sveit Skotíþróttafélags Kópavogs sem setti nýtt Íslandsmet 1,677 stig. Í öðru sæti varð B-sveit Skotíþróttafélags Kópavogs með 1,597 stig en sveitina skipuðu Grétar Mar Axelsson, Eiríkur Óskar Jónsson og Ólafur Egilsson. Í þriðja sæti hafnaði sveit Skotfélags Reykjavíkur en hana skipuðu Karl Kristinsson, Jón Árni Þórisson og Engilbert Runólfsson.Â

Ásgeir endaði með 576 stig í Kína

Laugardagur, 27. apríl 2019 08:36
Ásgeir Sigurgeirsson endaði í 35.sæti af 97 keppendum á heimsbikarmótinu í Peking í Kína í nótt. Hann náði 576 stigum (95-97-98-95-96-95) og 15 x-tíur. Til að komast í úrslit þurfti núna 582 stig. Annars sigraði Abhishek Verma frá Indlandi, annar varð Artem Chernousov frá Rússlandi og þriðji Seungwoo Han frá Kóreu.

Ásgeir keppir eftir miðnætti í Kína

Föstudagur, 26. apríl 2019 20:17
Ásgeir Sigurgeirsson keppir í loftskammbyssu á heimsbikarmótinu í Peking í Kína í nótt. Hann er í fyrri riðlinum sem byrjar kl.09:00 í fyrramálið eða kl. 01:00 að okkar tíma. Hægt verður að fylgjast með á þessari slóð.

Páskamótið verður laugardaginn 27.apríl

Þriðjudagur, 23. apríl 2019 22:25
Páskamót SR í SKEET verður haldið laugardaginn 27.apríl á Álfsnesi og hefst kl.10:00. Skotnir verða 3 hringir