Riðlaskipting mótanna um helgina liggur nú fyrir. Keppt verður í Egilshöllinni og hefst keppni kl.09:00 báða dagana.

50m liggjandi riffill á laugardaginn og 50m Þrístöðuriffill á sunnudaginn

Hægt er að fylgjast með skorinu í beinni 50m liggjandi hérna og 50m Þrístöðu hér.

Landsmót STÍ í Staðlaðri skammbyssu fór fram í Egilshöllinni í Reykjavík í dag. Karl Kristinsson úr SR sigraði með 519 stig, Joseph T. Foley úr SFK varð annar með 508 stig og í þriðja sæti Magnús Ragnarsson úr SKS með 502 stig. Í liðakeppninni sigraði sveit SR með 1,474 en silfrið hlaut sveit SFK með 1,446 stig. Nánar á úrslitasíðu STÍ.

Landsmót Stí í loftgreinum var rétt í þessu að ljúka í aðstöðu Skotdeildar Keflavíkur. Alls voru 16 keppendur skráðir og einn keppandi sem keppti í báðum greinum.

Guðmundur Helgi Christensen úr Skotfélagi Reykjavíkur sigraði í karlaflokki í loftrifflinum með 576.0 stig, í öðru sæti var svo Þórir Kristinsson einnig úr Skotfélagi Reykjavíkur með 534.7 stig og félagi þeirra Þorsteinn Bjarnason var svo í þriðja sæti með 503.5 stig. Saman tóku þeir liðakeppnina með 1616.7 stig.

Jórunn Harðardóttir Skotfélagi Reykjavíkur sigraði loftriffil kvenna með 580.0 stig og Guðrún Hafberg úr Skotíþróttafélagi Ísafjarðarbæjar var í öðru sæti með 472.0 stig.

Í loftskammbyssu kvenna sigraði Jórun Harðardóttir úr Skotfélagi Reykjavíkur með 542 stig og í öðru sæti var Aðalheiður Lára Guðmundsdóttir Skotgrund með 498 stig.
Í unglingaflokki kvenna var Sóley Þórðardóttir í fyrsta sæti aðeins 4 stigum frá eigin Íslandsmeti. Forföll urðu í unglingaflokki karla.

Magnús Ragnarsson frá Skotíþróttafélaginu Skyttunum kom sá og sigraði í karlaflokki í loftskammbyssu. Hann skaut sig úr 3. flokk í 2. flokk á skori sem var 4 stigum frá 1. flokks viðmiðinu. Í öðru sæti var Bjarki Sigfússon frá Skotíþróttafélagi Kópavogs og í þriðja sæti var svo Hannes H. Gilbert einnig í Skotíþróttafélagi Kópavogs. Karlasveit Skotíþróttafélags Kópavogs var svo í fyrsta sæti í liðakeppninni með 1502 stig.

Skorblaðið er svo hérna.

Landsmót í Staðlaðri skammbyssu fer fram í Egilshöllinni á sunnudaginn. Keppni hefst kl.09:00.. Hægt verður að fylgjast með skorinu í beinni hérna

Íslandsmeistaramótið í Loftriffli fór fram í Egilshöllinni í Reykjavík í dag. Íslandsmeistari í kvennaflokki varð Íris Eva Einarsdóttir úr SR með 591,8 stig, í öðru sæti Jórunn Harðardóttir úr SR með 581,4 stig og í þriðja sæti Guðrún Hafberg úr SÍ með 483,2 stig. Í karlaflokki varð Guðmundur Helgi Christensen úr SR Íslandsmeistari með 588,4 stig og Þorsteinn B. Bjarnarson úr SR hlaut silfrið með 498,7 stig. Nánar á úrslitasíðu STÍ. Eins eru myndir á FB-síðufélagsins.