Félagsmenn okkar hafa sett af stað undirskriftarsöfnun vegna vallarleysis félagsins á Álfsensi. Hvetjum alla félagsmenn til að taka þátt og unbdirrita skjalið sem er hérna

Landsmót STÍ í 50 metra Þrístöðuriffli fór fram í Egilshöllinni í dag. Guðmundur Helgi Christensen úr SR sigraði í karlaflokki með 553 stig, Jórun Harðardóttir úr SR vann kvennaflokkinn með 544 stig, unglingaflokkinn vann Viktoría Erla Bjarnarson úr SR með 459 stig og lið SR liðakeppnina með 1,518 stig. Árangur allra eru Íslandsmet. Greinin breyttist um áramótin þannig að nú eru skotin alls 60 skot, 20 í hverri hrinu liggjandi, krjúpandi og standandi. Nánar á úrslitasíðu STÍ

Landsmót STÍ í 50m Þrístöðu fer fram í Egilshöllinni á sunnudaginn. Hér má sjá brautarskiptinguna. 

Eins má fylgjast með skorinu hérna.

Nokkur Íslandsmet voru sett á Landsmóti STÍ í Þrístöðu með riffli voru sett í dag. Í stúlknaflokki setti Viktoría Erla Bjarnarson úr SR met 444 stig, í kvennaflokki Jórunn Harðardóttir úr SR með 539 stig, sveit SR í karlaflokki með 1,504 stig og eins í kvennaflokki 1,476 stig. Annars fóru leikar þannig að í karlaflokki sigraði Guðmundur Helgi Christensen úr SR með 539 stig, Þórir Kristinsson úr SR varð annar með 516 stig og í þriðja sæti Valur Richter úr SÍ með 506 stig. Í kvennaflokki sigraði Jórunn með 539 stig, Bára Einarsdóttir úr SÍ varð önnur með 512 stig og Íris Eva Einarsdóttir úr SR hafnaði í þriðja sæti með 493 stig. Myndir frá mótinu eru hérna.

Á Landsmóti STÍ sem haldið var í Egilshöll í Reykjavík, bætti Jón Þór Sigurðsson eigið Íslandsmet í 50 metra liggjandi riffli með skori uppá 626,1 stig. Óðinn Magnússon úr SKS setti nýtt Íslandsmet í flokki unglinga með 501,2 stig. Önnur úrslit urðu þau að í karlaflokki varð Guðmundur Helgi Christensen úr SR annar með 613,2 stig og þriðji varð Valur Richter úr SÍ með 613,1 stig. Í kvennaflokki sigraði Jórunn Haðrardóttir úr SR með 613,3 stig, Bára Einarsdóttir úr SFK varð önnur með 612,5 stig og Íris Eva Einarsdóttir úr SR þriðja með 584,5 stig. Í stúlknaflokki sigraði Viktoría Erla Bjarnarson úr SR með 564,3 stig og Karen Rós Valsdóttir úr SÍ varð önnur með 504,2 stig. Í liðakeppni karla sigraði sveit SÍ með 1820,4 stig og í kvennaflokki sveit SR með 1762,1 stig.