Umhverfisstofnun hefur framlengt bráðabirgðastarfsleyfið á Álfsnesi. Leyfið er aðgengilegt hérna. Unnið er að varanlegu starfsleyfi en sú vinna hefur tafist aðeins en það styttist í að auglýst verði drög að nýju starfsleyfi frá Reykjavíkurborg. Þetta þýðir að við getum skipulagt starfið á svæðinu út þetta ár og mun það verða gefið út innan skamms, hvaða mótahald verður á svæðinu. Reiknum við með að allavega verði Íslandsmótið í Skeet haldið um miðjan ágúst og jafnvel Íslandsmótið í Compak Sporting í júlí. Einnig reiknum við með Landsmóti í skeet í júní og á SR Open í Skeet í byrjun september verði samhliða keppt með riffli á Íslandsmóti í Bench Rest skori. 

Stjórn félagsins hefur valið þessa sem skotíþróttafólk ársins hjá félaginu:

Í karlaflokki er Davíð Bragi Gígja f.1980 Skotíþróttakarl SR 2024

Davíð keppir í riffilgreininni Bench Rest, en í henni er skotið af borði með riffli á 50 metra færi. Hann varð Íslandsmeistari í greininni með þungum riffli á Íslandsmeistaramótinu sem haldið var á Akureyri. Davíð varð í öðru sæti á alþjóðlega BR50 CUP mótinu í Hamminkeln í Þýskalandi í haust.

Í kvennaflokki er Jórunn Harðardóttir f.1968 Skotíþróttakona SR 2024

Jórunn keppir bæði í riffil- og skammbysgreinum.

Jórunn sigraði í keppni með Loftriffli á RIG-leikunum í vor. Hún varð einnig Íslandsmeistari í þremur greinum á árinu, í keppni með Riffli í Þrístöðu, í keppni með Loftskammbyssu og Frjálsri skammbyssu.

Skotmótið ÁRAMÓT SR 2024 verður haldið á svæði félagsins á Álfsnesi sunnudaginn 29.desember 2024 , mæting kl.10:30 og fyrsti hringur kl.11:00

Landsmót STÍ í 50m þrístöðu riffli fór fram í Egilshöllinni í dag. Í flokki unglinga sigraði Úlfar Sigurbjarnarson úr Skotfélagi Reykjavíkur á nýju Íslandsmeti 501 stig, hans annað Íslandsmet þessa helgina !

Í opnum flokki fullorðinna sigraði Jórunn Harðardóttir úr Skotfélagi Reykjavíkur með 536 stig, Valur Richter úr Skotíþróttafélagi Ísafjarðar varð annar með 523 stig og í þriðja sæti hafnaði Aðalheiður Lára Guðmundsdóttir úr Skotíþróttafélagi Snæfellsness með 518 stig. Í liðakeppninni sigraði A-sveit Skotfélags Reykjavíkur með 1,522 stig en A-sveit Skotíþróttafélags Ísafjarðar hlaut silfrið með 1,498 stig. Myndir frá keppni dagsins eru á Facebook síðu félagsins. Nánar á úrslitasíðu STÍ.

Landsmót STÍ í 50m liggjandi riffli fór fram í Egilshöllinni um helgina. Í flokki unglinga sigraði Úlfar Sigurbjarnarson úr Skotfélagi Reykjavíkur á nýju Íslandsmeti 585,9 stig (17x). Silfrið hlaut Karen Rós Valsdóttir úr Skotíþróttafélagi Ísafjarðar með 538,2 stig (5x).

Í opnum flokki fullorðinna sigraði Guðmundur Valdimarsson úr Skotíþróttafélagi Ísafjarðar með 607,7 stig (28x), í öðru sæti varð Leifur Bremnes einnig úr SÍ með 603,1 (5x) stig og í þriðja sæti hafnaði Jórunn Harðardóttir úr Skotfélagi Reykjavíkur með 601,3 stig (18x). Í liðakeppninni sigraði A-sveit Skotíþróttafélags Ísafjarðar með 1805,8 stig, A-sveit Skotfélags Reykjavíkur varð önnur með 1784,2 stig og í þriðja sæti B-sveit Skotíþróttafélags Ísafjarðar með 1714,1 stig. Nánar á úrslitasíðu STÍ.