Skotfélag Reykjavíkur

Ásgeir Íslandsmeistari í Frjálsri skammbyssu

Laugardagur, 09. júní 2012 21:29
Ásgeir Sigurgeirsson úr SR sigraði á Íslandsmótinu í Frjálsri skammbyssu, sem fram fór í dag á velli okkar á Álfsnesi. Í öðru sæti varð Stefán Sigurðsson úr SFK og Tómas Þorkelsson SFK í 3ja sæti.

Margrét Elfa sigraði í skeet í dag

Laugardagur, 09. júní 2012 21:00

Margrét Elfa úr SR sigraði í kvennakeppninni á landsmótinu í dag. Árný varð önnur og Dagný í því þriðja. Eins setti kvennasveit SR nýtt Íslandsmet en þessar þrjár skipa hana . Í karlakeppninni er Stebbi Örlygs efstur eftir fyrri daginn með 65 dúfur en Elli Aðalsteins og og Siggi Sig fylgja honum fast eftir með 64 dúfur. Það verður spennandi að fylgjast með morgundeginum. Eitthvað af myndum frá mótinu í dag eru komnar hérna.

Frjáls skammbyssa hefst kl 10

Föstudagur, 08. júní 2012 07:08
Íslandsmótið í frjálsri skammbyssu hefst í fyrramálið kl.10 en aðeins 3 keppendur skráðu sig til leiks að þessu sinni og því aðeins einn riðill.

BREYTT TÍMATAFLA SKEET MÓTSINS !!

Fimmtudagur, 07. júní 2012 13:38
Búið er að breyta tímatöflu landsmótsins í skeet um helgina.

Kjartan með 19X tíur á Bench Rest mótinu í gær

Föstudagur, 01. júní 2012 09:14

Í gærkvöldi var haldið innanfélagsmót í Bench Rest riffli á Álfsnesi. Keppt var á 100 metrum í Varmint for Score. Þar sigraði Kjartan Friðriksson með 250 stig plús 19 X-tíur ! Í öðru sæti varð Valdimar Long með 250 stig plús 9 X-tíur og í þriðja sæti varð Sigurður Hallgrímsson með 248 stig plús 12 X-tíur. Í fjórða sæti hafnaði svo Sigurður Einarsson með 241 stig og 6 X-tíur.

Margrét Elfa setti Íslandsmet í skeet

Sunnudagur, 27. maí 2012 19:31

Á Landsmóti STÍ í skeet, sem haldið var í Þorlákshöfn um helgina, sigraði Hákon Þ.Svavarsson úr SFS með 115 stig, en okkar maður Örn Valdimarsson varð annar með 112 stig. Í kvennaflokki var Margrét Elfa Hjálmarsdóttir úr SR eini keppandinn en það kom ekki í veg fyrir að hún bætti fyrri árangur sinn verulega og setti nýtt Íslandsmet kvenna, 39 stig. Í liðakeppninni sigraði A-liðið okkar með þá Örn Valdimarsson, Ellert Aðalsteinsson og Stefán G.Örlygsson innaborðs.