Miðvikudagur, 22. desember 2010 11:40 |
Rifflanefnd Skotfélags Reykjavíkur heldur árlegt Áramót SR í Bench-Rest föstudaginn 31. desember 2010. Mæting er kl. 10:00 en fyrsta hrinan verður skotin kl:11:00 Skotið verður svokallað „Varmint for score“ á 100 metrum samkvæmt amerískri fyrirmynd. Í stórum dráttum gengur það út á að hitta miðpunkt skotskífu sem er 1/4 tomma og stig gefin eftir því. Keppnin samanstendur af því að skotnar verða 5 skífur með 5 punktum hver eða samtals 25 skot sem ákvarða árangur. Á hverri skífu er punktur sem skjóta má að vild, svokallaður sighter. Á undan fyrstu keppnisskífunni er skotið á eina skífu svokallað „warm- up“ til þess að menn geti stillt sig inn og áttað sig á vindi eða öðrum skilyrðum. Fyrir warm- up hrinuna hafa menn 10 mínútur en 7 mínútur fyrir hinar. Allir rifflar eru gjaldgengir og allir sjónaukar leyfilegir. Skotið er af resti og sandpoka eða tvífæti ef menn vilja. Mussle break eru ekki heimil. Þátttakendum verður skipt í þrjá flokka eftir gerð riffla. - Óbreyttir veiðirifflar
- Breyttir veiðirifflar
- Bench-Rest rifflar
Mótstjóri ákvarðar flokkun keppenda eftir gerð riffla. Skráning í mótið er á staðnum. Einhverjar veitingar verða á boðstólum eftir að móti lýkur. Allir skotmenn eru velkomnir. Mótagjald kr. 1.000- ( sama verð fyrir utanfélagsmenn jafnt og félagsmenn ) Skotfélags Reykjavíkur. Þess má einnig geta að Hlað og Ísnes styrkja mótahaldið.
|
|
Mánudagur, 20. desember 2010 17:03 |
Ásgeir Sigurgeirsson hlaut í dag styrk frá Íþróttabandalagi Reykjavíkur vegna frábærs árangurs á árinu 2010.
|
Laugardagur, 18. desember 2010 16:06 |
Ásgeir Sigurgeirsson var að sigra á alþjóðlega mótinu í Luxemburg eftir spennandi úrslitakeppni við rússneska keppinauta sína. Hann skaut 100,3 stig í úrslitum eða alls 684,3 stig. Íslandsmetið sem hann á sjálfur var í hættu á tímabili en það er 685,4. Þetta er hans besta skor á alþjóðavettvangi og veður eflaust vítamínsprauta fyrir hann í framtíðinni. Í öðru sæti varð Bronsverðlaunahafi síðustu Ólympíuleika Vladimir Isakov sem skaut 98,5 í úrslitunum og samtals 679,5 stig. Í þriðja sæti varð Belginn Jean-Marc Derouaux með 100,7 stig í úrslitum og alls 677,7 stig. Þar á eftir komu 4 Rússar, Alexander Danilov 677 stig, Rinat Ayupov 676,6 stig, Sergei Chervyakovskiy með 676,1 stig og Denis Kulakov með 674,1. Í áttunda sæti varð svo Patrick Decker frá Luxembourg með 668,4 stig.
|
Laugardagur, 18. desember 2010 10:28 |
3ja og síðasta mótið sem Ásgeir tekur þátt í í Luxemburg er nú hafið. Skorið er sem fyrr í beinni hérna http://www.fltas.lu/riac_2010/live/ Eftir fyrstu 50 skotin er hann efstur, 1 stigi á undan Isakov margföldum sigurvegara Rússa á stórmótum, m.a.2 brons á Ólympíleikum. Næstíðasta sería Ásgeirs var 100 stig, fullkomið skor ! Undankeppninni er nú lokið og er Ásgeir efstur fyrir úrslitin sem hefjast kl.15:30 að íslenskum tíma. Hann er á mjög góðu skori, 584 stigum en serían hans var 99 97 95 96 100 97 ! Þetta er besta skor Ásgeirs á erlendu móti. Ekki slæmt ná því í harðri keppni við rússneska landsliðið.
|
Föstudagur, 17. desember 2010 13:56 |
Nú stendur yfir önnur keppni Ásgeirs í Luxemburg. Hægt er að fylgjast með skorinu jafnóðum á netinu http://www.fltas.lu/riac_2010/live/ . Úrslitin hefjast seinna í dag kl.17:00. Ásgeir hafnaði í 5.sæti einsog í gær á eftir Rússunum. Nú er bara að bretta upp ermarnar og þjarma að þeim á morgun.
|
Fimmtudagur, 16. desember 2010 09:04 |
Ásgeir er að keppa núna í Luxemburg og er keppnin send út beint,talnalega, á heimasíðu keppninnar, http://www.fltas.lu/riac_2010/live/ . Finalinn er svo seinna í dag. Sama fyrirkomulag er svo á morgun og laugardag. Hann var að ljúka undankeppninni í keppni dagsins og er kominn í úrslit. Hann skoraði 577 stig að þessu sinni. Mótið er nokkuð sterkt að þessu sinni. Rússneska landsliðið keppir þarna núna og er Ásgeir nú í 5.sæti á eftir fjórum Rússum. Röð efstu manna breyttist ekki í úrslitum þannig að hann endaði í 5.sæti.
|
|
|
<< Fyrsta < Fyrri 231 232 233 234 235 236 237 238 239 240 Næsta > Síðasta >>
|
Síða 237 af 287 |