Laugardagur, 01. janúar 2011 15:18 |
Stjórn félagsins þakkar samstarfið á liðnu ári og óskar félagsmönnum og velunnurum félagsins farsældar á nýju ári. Um áramót er oft horft um öxl og farið yfir starfið á liðnu ári.
|
Nánar...
|
|
Laugardagur, 01. janúar 2011 14:42 |
Á Gamlársdag hélt félagið hin árlegu Áramót í riffli Bench-Rest og Ólympískri Skeet-haglabyssu. 40 keppendur mættu og spreyttu sig við fínar aðstæður. Áramótið á sér langa hefð og var, og er, ávallt síðasta íþróttamótið sem haldið er af aðildarfélögum Íþróttabandalags Reykjavíkur á hverju ári. Í fyrra var ákveðið að halda mótið einnig í riffilkeppni og hefur það mælst afar vel fyrir. Reyndar fór aðeins að blása og kólna þegar á leið en allir höfðu gaman af. Úrsilt eru nánar hérna í haglabyssunni og hérna í rifflinum. Myndir frá verðlaunaafhendingunni eru svo hérna.
|
Fimmtudagur, 30. desember 2010 12:29 |
Skotíþróttasamband Íslands hefur útnefnt þau Ásgeir Sigurgeirsson og Jórunni Harðardóttur sem Skotíþróttakarl-og konu Ársins 2010. Þau eru bæði úr okkar okkar félagi. Fyrir hönd allra félagsmanna óskum við þeim hjartanlega til hamingju með þetta og óskum þeim alls hins besta í náinni framtíð.
|
Föstudagur, 24. desember 2010 10:30 |
Stjórn félagsins óskar félagsmönnum og velunnurum félagsins gleðilegrar hátíðar.
|
Fimmtudagur, 23. desember 2010 14:33 |
Áramótið í skeet verður að vanda haldið á Gamlársdag og hefst kl.11:00. Mæting kl.10:30 og er mótagjald kr. 3,000. Æskilegt að keppendur skrái sig á netfanginu:
Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
svo hægt sé að raða uppí riðlar. Skotnir verða 3 hringir og final. Hlað og Ísnes styrkja mótið.
|
Miðvikudagur, 22. desember 2010 11:40 |
Rifflanefnd Skotfélags Reykjavíkur heldur árlegt Áramót SR í Bench-Rest föstudaginn 31. desember 2010. Mæting er kl. 10:00 en fyrsta hrinan verður skotin kl:11:00 Skotið verður svokallað „Varmint for score“ á 100 metrum samkvæmt amerískri fyrirmynd. Í stórum dráttum gengur það út á að hitta miðpunkt skotskífu sem er 1/4 tomma og stig gefin eftir því. Keppnin samanstendur af því að skotnar verða 5 skífur með 5 punktum hver eða samtals 25 skot sem ákvarða árangur. Á hverri skífu er punktur sem skjóta má að vild, svokallaður sighter. Á undan fyrstu keppnisskífunni er skotið á eina skífu svokallað „warm- up“ til þess að menn geti stillt sig inn og áttað sig á vindi eða öðrum skilyrðum. Fyrir warm- up hrinuna hafa menn 10 mínútur en 7 mínútur fyrir hinar. Allir rifflar eru gjaldgengir og allir sjónaukar leyfilegir. Skotið er af resti og sandpoka eða tvífæti ef menn vilja. Mussle break eru ekki heimil. Þátttakendum verður skipt í þrjá flokka eftir gerð riffla. - Óbreyttir veiðirifflar
- Breyttir veiðirifflar
- Bench-Rest rifflar
Mótstjóri ákvarðar flokkun keppenda eftir gerð riffla. Skráning í mótið er á staðnum. Einhverjar veitingar verða á boðstólum eftir að móti lýkur. Allir skotmenn eru velkomnir. Mótagjald kr. 1.000- ( sama verð fyrir utanfélagsmenn jafnt og félagsmenn ) Skotfélags Reykjavíkur. Þess má einnig geta að Hlað og Ísnes styrkja mótahaldið.
|
|
|
<< Fyrsta < Fyrri 231 232 233 234 235 236 237 238 239 240 Næsta > Síðasta >>
|
Síða 235 af 286 |