Á Landsmótinu á Álfsnesi í dag, sigraði Grétar Mar Axelsson úr SA í karlaflokki eftir úrslitaviðureign við Örn Valdimarsson úr SR. Bronsverðlaunin hlaut Sigurður Unnar Hauksson úr SR eftir viðureign við Guðlaug Braga Magnússon úr SA. í 5.sæti varð Hákon Þ. Svavarsson úr SFS og í 6.sæti varð Stefán Gísli Örlygsson úr SKA. Í liðakeppninni sigraði sveit Sktfélags Reykjavíkur með 317 stig en hana skipuðu þeir Örn Valdimarsson, Sigurður U. Hauksson og Kjartan Ö. Kjartansson. Í öðru sæti varð sveit Skotfélags AKureyrar með 301 stig með innanborðs þá Grétar M. Axelsson, Guðlaug B. Magnússon og Sigurð Á. Sigurðsson. Í undankeppninni varð Örn Valdimarsson efstur með 114 stig, annar var Sigurður U. Hauksson með 111 stig og þriðji Guðlaugur B. Magnússon með 108 stig. Myndir frá deginum verða hérna.

Á Landsmóti STÍ sem haldið var á Álfsnesi í dag sigraði Helga Jóhannsdóttir úr SÍH með 45+4+9 stig, í öðru sæti varð Snjólaug M. Jónsdóttir úr MAV með 42+5+4 stig. Í þriðja sæti varð svo Dagný H. Hinriksdóttir úr SR með 29+7+4 stig. Í fjórða sæti varð Eva Ó. Skaftadóttir úr SR með 39+3+3 stig. Í 5.sæti hafnaði Lísa Óskarsdóttir úr SR með 23+6 stig. Keppni í karlaflokki stendur yfir í tvo daga en staðan eftir fyrir daginn er þannig að Örn Valdimarsson og Sigurður Unnar Hauksson eru efstir og jafnir með 69 stig af 75 mögulegum en þeir keppa báðir fyrir Skotfélag Reykjavíkur, þar á eftir með 65 stig Guðlaugur Bragi Magnússon úr Skotfélagi Akureyrar og síðan jafnir með 64 stig eru þeir Hákon Þ.Svavarsson úr Skotíþróttafélagi Suðurlands og Grétar Mar Axelsson úr Skotfélagi Akureyrar. Í liðakeppninni eru tvo lið skráð til leiks og er lið SR með 193 stig og lið SA með 180 stig eftir fyrri daginn. Á morgun verða skotnir tveir hringir og svo úrslit eftir það. Slatti af myndum hérna.

Hér er riðlaskiptingin á landsmótinu í skeet um helgina á Álfsnesi. Opið er fyrir æfingar keppenda kl. 10 - 16 þann 1.maí

Fyrra úrtökumótið fyrir Smáþjóðaleikana í vor, í haglabyssugreininni Skeet, fór fram á Álfsnesi á laugardaginn. Efstir og jafnir voru Örn Valdimarsson og Sigurður Unnar hauksson, en báðir keppa þeir fyrir Skotfélag Reykjavíkur, með 110 stig, í þriðja sæti var Guðmann Jónasson úr Skotfélaginu Markviss með 100 stig. Í fjórða sæti Guðlaugur Bragi Magnússon úr Skotfélagi Akureyrar, fimmti Hákon Þ. Svavarsson úr Skotíþróttafélagi Suðurlands með 97 stig og sjötti varð Kjartan Örn Kjartansson úr Skotfélagi Reykjavíkur með 90 stig. Um næstu helgi fer svo fram Landsmót STÍ á Álfsnesi og ræðst þar hvaða tveir skotmenn keppa fyrir Íslands hönd á Smáþjóðaleikunum í júní.

Jórunn Harðardóttir úr SR varð Íslandsmeistari í kvennaflokki í 60 skotum liggjandi riffli í dag með 614,2 stig, önnur varð Bára Einarsdóttir úr SFK með 605,2 stig og Íris Eva Einarsdóttir úr SR varð þriðja með 557,2 stig. Í karlaflokki sigraði Jón Þ.Sigurðsson úr SFK á nýju Íslandsmeti 622,2 stig. Í öðru sæti varð Guðmundur Helgi Christensen úr SR með 615,3 stig og Arnfinnur A. Jónsson úr SFK varð þriðji með 608,8 stig. Sveit Skotfélags Reykjavíkur varð í þriðja sæti í liðakeppninni með innaborðs þá Guðmund Helga , Þorstein B. Bjarnarson og Þóri Kristinsson með 1,796.2 stig. A-lið Skotíþróttafélags Kópavogs sigraði á nýju Íslandsmeti 1,836.9 stig og sveit Skotíþróttafélags Ísafjarðar varð önnur með 1,806.8 stig. Nánari fréttir eru á heimasíðu mótshaldara SFK.